Ğasımi:Amerkə hucumon dəvomədə Suriyə otəşbasti dəvom saxt bəbe.
İroni xarici koon vəzorətxonə sıxanəvoti votışe:əqər Amerkə bə Suriyə zid ıştə hucumon ğət nıkə ım məmləkətdə otəşbasti bərğəror karde saxt bəbe.
İroni xarici koon vəzorətxonə sıxanəvot Bəhram Ğasımi zinə daxili və xariciyəjurnaliston iclosədə bə ironi beynəlxalğə kanalon jurnaliston iyən coqlə mediyaon sual Suriyə vəziyyət və Suriyə cənub ğərb hissədə otəşbasti bərğəror kardeyu Rusiyə və Amerkə təvafuği barədə votışe: muzakiron icra qarant və təşkil bə təvafuği icra kardeyu hələ nibəbe nəzə elan karde.
Ğasımi suriyədə otəşbasti bərpo kardeyu Astanə muzakiron çərçivədə bə İron Turkiyə və Rusiyə veyə fəaliyyəton işarəş karde həmçinin mıxtəlif səthonədə bə Tehron Maskva əlağon işarəş karde və ıştə sıxanon dəvomədə əlavəş karde əqər qıləy roziyəti həm bıbo ki bızno məntəğə həmmə vıronədə problemon həl karde de ğətiyyəti bəy sədo doə bəbe.
ironi diplamatikə təşkilati sıxanəvoti işarəş karde suriyədə Amerkə hərəkətonku bə dast vardə məlumaton nışon dodən otəşbasti məsələ barədə çəvon fəaliyyəton oşko nin və əqər bə Suriyə zid Amerkə ıştə hucuminə hərəkəton ğət nıkəyu jıqo təvafuği dəvom doe saxt bəbe.
ironi xariciyə koon vəzorətxonə sıxanəvoti əlavəş karde əviki İron çəy domoədəy Suriyə milliyə hakimiyyət və ərazi təmamiyyəti hif karde iyən otəşbasti bərpo karde və ım bəhs fəğət bə qıləy məxsusə vıran aid nin.
Ğasımi həmçinin ironi atom məsələ həl kardeyu mıştərəkə bərnamon həxədə Amerkə hakim bə heyəti nəzəron əvəz be barədə votışe:İron Amerkə har qılə na səhihə hərəkəton vədə hozzı və eyne holədə Tramp və Amerkə hakim bə heyət nibəzne coili ironi atom məsələdə həl kardeyu təşkil bə təvafuği ləğv kardeyu hərəkət karde.
ironi xarici koon vəzorətxonə sıxanəvot Suriyə barədə Rusiyə və Amerkə prezidenton muzakiron həxədə sionist rejimi elan kardə siyasəton həxədə votışe:ironi barədə sionist rejimi rəsmi şəxson votə sıxanon qıləy tojə məsələ ni və eyne holədə Rusiyə və Amerkə muzakiron kırtə məsəlon oşko bə nin və bəpe çəş bıkəmon.
ironi diplamatikə təşkilati sıxanəvot ommidvar mande Suriyə barədə beynəlxalğə icloson nəhayətdə ım məmləkəti həmmə millətiyu bə sulh və əmniyyət bois bıbo.