Mosulədə “islomi dıvləti” xilofəti nəticəon
Mosulədə “islomi dıvləti” xilofəti nəticəon
“Bə bəşəriyyəti ələyh cinoyəton” iborə iminə kərə 1915-ə sori de Britaniyə,Fransə iyən Rusiyə hukuməton vositə bə erməniyon ğətlı-am kardey xoto bə vaxtnə Tırkiyə dıvləti ələyh oko doey be.əmmo iminə kərə bə bəşəri ələyh cinoyəton 1945-ə sori Nyu-Yorki məhkəmədə ğanuni formədə təğıb be.Nyu-Yorki Məhkəmə Nizomnomədə omə: canqi bənav iyən çəy ərzədə,kıştey,məf kardey,nokəti,dərbədər kardey,iyən co ğeyri-insoniyə rəftoron,həmçinin məzhəbi,siyosi ya irğiyə qrupon təğib kardey,bə bəşəriyyəti ələyh cinoyəton nımunəonku bə hisob omeydə. Tokiyo Məhkəmə həm 1946-ədə eynən ım vırəonış bə bəşəriyyəti ələyh cinoyətonış tərif karde.Sabiğ Yuqaslaviyə Beynəlxalğ Cəzo Məhkəmə Əsosnomə 5-ə maddədə həm bə bəşəriyyəti ələyh cinoyəton mıəyyən kardə bıə iyən çı Nyu-Yorki Beynəlxalğə Məhkəmə aşmardə vırəonsə əlovə,həbs,işkəncə iyən təcovuz kardey həm bə navnə bə bəşəriyyəti ələyh cinoyəton maddəon əlovə be.de qırd ımon vey muhimmə nəzəri fundament,bə bəşəriyyəti ələyh cinoyəton nımunə iyən təsvir,Beynəlxalğ Cəzo Məhkəmə 7-ə maddədə omə.bın maddədə omə ki,bın Əsosnomədə bə bəşəriyyəti ələyh cinoyətonku məğsəd har qıləy əməlon şərh jiyədə doey bıə:qıləy hevujinə şikilədə bıə həmlə çərçivədə ya bə ğeyri-hərbi cəmiyyəti ələyh mutəşəkkilə formədə bıə həmlə və zıne-zıne bə həmlə mırtəkib bedə:
Ğətl,rəğ-rişə bırniye ki,ğəsdo məcbur kardey çı jimonku qıləy məxsusə vəzyəte.min cumlə çı xorək iyən damoniku məhrum kardey ki,ımon çı cəmiyyəti i baxşi məf kardey hisob bedə.insonon nokə kardey,qıləy cəmiyyəti məcburi ixroc kardey,həbs ya şiddətinə formədə cismoni ozodiku məhrum kardey ki,bə Beynəlxalğ huğuği normaəon əks bıbu.işkəncə doey.cinsi təcovuz,cinsiyə nokəti,məcburi fahişəti,məcburi hamiləti,məcburi beson kardey,ya de harcur formə cinsi hoziyəti.bəçəy siyosi, irği, milli, ğovmi, mədəni, məzhəbi,cinsi ya co səbəbon xoto har qıləy dastə dəvominə surətədə təğib kardey.icbori surətədə bəçəş nıçiye,aparteid cinoyəton,bə ğeyri-hərbi cəmiyyəti ələyh hevuj iyən mutəşəkkilə formədə hucum iyən bə ikəsi ruhi iyən cismi səlomətəti bənə çı ğəsdo dıjdə renc ya şiddətinə ziyon rosney.
Pentonə Beynəlxalğ Cəzo Məhkəmə 7-ə əsosnomədə ım zikr bıə əməlon oşkoyə surətədə bə DAİŞ-i bın dəvardə se sori İrağdə məxsusən Mosulədə kardə cinoyəton şomil kardey bəbe.DAİŞ-i İrağədə vey muhimmə cinoyəton çandə kərə de mıxtəlifə formə faciyəvi surətədə insonon ğətl-am kardeye.ə ğətl ki, Beynəlxalğ Cəzo Məhkəmə Əsonomə 7-ə maddədə ğeyd bıə,ha ruj de DAİŞ terroristə qrupi vositə İrağədə əncom doey bedəbe.əmmo çın terroristə dastə İraği sərzəminədə bəçəy milləti əlıyh jıqo cinoyəton həm emal kardeəbe ki,ğasbu mıosirə dınyo məxloği iminə kərə ımonış mışohidə kardə. kolektivə surətədə insono kıştey,çandə qılə qullə bəçəvon sə təy kardey,DAİŞ terroristə dastə Mosulədə kardə cinoyəton həmməysə faciyəviyə qılə be.insonon ğəfəsi dılədə bəyji-bəyji sutuney,de elektiriki vositə insonon kıştey,çəvon sə bırniye,bəyjiyə insoni zəmini jiyədə dəkande iyən co faciyəvi surətədə insonon kıştey,çın vəhşiyə dastə kardə işkəncə novonku be.həyğətədə,DAİŞ terroristə dastə çı Beynəlxalğ Cəzo Məhkəmə bə bəşəriyyəti ələyh cinoyəton hisob kardə qırd maddəonış İraği şəhrvandon səpe tətbığış karde.çımonsə əlovə,İraği şəhrvandon de ın vandalə dastə vositə bə cismi,ruhi iyən psixoloji işkəncəon həm məruz mandən. Joqo ki,əvon çı İraği şəhrvandon zıvoni ya çəvon dast-lınqi bırniye çın işkəncəon vey vəhşiyə novonku be.DAİŞ terroristə qrupi unsuron İrağədə bıə se sori ərzədə çı xeyzonon çəşon vədə bə İraği camaati jenon iyən kinon cinsiyə təcavuz kardeşone iyən.ımruj çı İraği vey dıjdə problem çı DAİŞ terroristə dastə unsuronku bə dınyo omə hırdənonin.ə hırdənon ki,ıştə mo zıneydən, əmmo ıştə pı zıneydənin və çəvon moon zıneydənin çəvon pıon həxədə çiç bıvoton.cinsi təvovuz, məcburi hamilə kardey,cinsi nokəti iyən insonon axtə kardey bə bəşəriyyəri ələyh cinoyətonkuye ki, Beynəlxalğ cəzo Məhkəmə Əsosnomə 7-ə maddədə bəy təkid bıə.