Kimyəvi silahon oko doə terroristonku mudafiyə bıkə tərəfon cəvob doy zərurət
Kimivayiyə silahon vəy qəteyu bə təşkilatədə ironi nımoyəndə votışe:kimyəviyə silahon oko bıdə terroristonku tərəfdarəti bıkə məmləkəton bəpe cəvob bıdən.
Kimiyaviyə silahon konvensiya uzv bə məmləkəton 21 minnə konfrans ki ha sor təşkil bedə kimiyaviyə silahon vəy qəteyu bə təşkilati mudiri huzurədə iyən uzv bə məmləkəton ali rutbəinə nımoyəndon həmçinin ğeyre devlətiyə təşkilaton huzurədə Holləndiya Haağadə təşkil be.
Haağaədə kimiyaviyə silahon vəy qəteyu bə təşkilatədə ironi nımoyəndə Əlirıza Cəhanqiri pəynə həminə təşkil bə iclosədə İrağ və Suriyə məmləkətonədə İŞİD iyən Cəbhətul Nusrə(Fəthul Şam) nomo bə terroristiyə qrupon tərəfo kimiyaviyə silahonku istifadə karde xoto tənğidış karde.
Cəhanqiri votışe:çı terroristiyə qruponku mudafiyə bıkə məmləkəton ki bə be qınohə insonon zid çəvon tərəfiku kimiyaviyə silahonku istifadə karde şərayeti təşkil kardən bəpe ıştə əməlon vədə cəvob bıdən.
kimiyavi silahon vəy qəteyu bə təşkilatədə bə ironi nımoyəndə həmçinin ironədə bə çansa həzo conboz iyən kimiyaviyə silahon nəticədə yarəjəon işarəş karde və votışe: İron İslam Respublika kimiyaviyə silahon konvensiyaro və kamilə holətədə çəy ğanonon icra kardeyu xususiyə əhəmmiyyət nəzərdə qətedə.
Cəhanqiri ıştə sıxanon dəvomədə votışe: kimiyaviyə silahon vəy qəteyu bə təşkilati vədə ironi əməl karde bəştə doə vədəon huğuğiyə doə bə vədəonku bəpe heste və diniyə bovəonədə rişəş heste ki bə ikkərə cəmaəti ğır kardeyu bə silahonru islami inğilabi yolə rəhbəri fitvaədə jıqo silahonədə muzalifət kardeədə ıştəni nışon dodə.
kimiyaviyə silahon vəy qəteyu bə təşkilatdə İron İslam Respublika nımoyəndə həmçinin təciliyə holətədə iyən be şərt Ğodsı işğal bıkə rejimi bə kimiyaviyə silahon vəy qəteyu bə təşkilati əlavə beş tələb karde.
