Həzrət imom Cəfər Sadığ(ə) şəhodəti sorqardışi xoto səbəsəloməti.

İslamiyə İron şiəyon 6 nə imom və təşəyyu məzhəbi rəis həzrət imom Cəfər Sadığ(ə) şəhodətə şəvi sorqardışədə əzadarətişon karde.

Imruj 5 şanbə 2017 minnə sori aprelə manqi 20 nə ruj hicri ğəməri 1438 şəvvalə manqi 25 imamət və vilayət osmoni 6 nə ruşnə həzrət imom Cəfər Sadığ(ə) şəhodəti sorqardışe.

Həzrət imom Cəfər Sadığ(ə) şəhodəti sorqardışədə ironi millət məzhəbiyə vıronədə dınyo şiəyon 6 nə imomi matəmə mərasimədə əzadarətioş karde Məşhəd şəhrədə dınyo şiəyon 8 nə imom həzrət imom Rıza(ə) pokə hərəmədə Həzrət imom Cəfər Sadığ(ə) şəhodəti sorqardışədə zairon siyoşon takardə be və ıştə iradətışob bə əhlebeyte ismət və təharət nışonışon do.

Həzrət imom Cəfər Sadığ(ə) ıştə bərəkətinə umrədə dərsə kilason təşkil doeədə iyən islami roədə bə kəson çı şiə və çı sınnion soalon cəvob doeyu ıştəni mərcə ğəror doeədə zınəşe təşəyyu məktəbı iğtidari de istidlal və məntiğ islamı roədə bıə kəsonru oşko karde.

ım zumandəti bə dərəcədə be ki şəxsiyyətoni mincumlə Şafei Malik Əbuhənifə əhle sunnətı yolonku həm həzrət imom Cəfər Sadığ(ə) məhzərədə elmışon kəsb karde.

İron İslam Respublika telerədyu təşkilat dınyo şiəyon 6 nə imom Həzrət İmom Cəfər Sadığ(ə) şəhodəti sorqardışi ə həmmə mıslmonon və dınyoədə bıə ozodəti tələb kardəkəson məxsusən şiə məzhəbi ğəbul kardəkəson səbəsəloməti dodə.