Sipiyə Kədə hərcı-mərcəti
Sipiyə Kədə hərcı-mərcəti
Amerkə prezdent ِDonald Tarmpi bə Sipiyə Kə daxil bıeyku hələ haft manq dəvardəni ki,Sipiyə Kə ısət de hərcı-mərcəti pur bıə.bın mıddətədə ziyodə mığdorədə Sipiyə Bina barzə məğami soyb bıə məmuron ıştə koyku ixroc bıən.Donald Trampi devləti sıftənə haftəonədə çəy mışovir Maykl Felin çı devləti həssosə məğam bıə Milli Əmniyyət Mışoviri vəzifəku istefo doşe və faktiki əvışon çəy qətə postiku ozod kardeşone.Ceymz Kumi de Amerkə prezidenti vositə FBİ federal təhgiğati vəzifəku ixrac be.de Sipiyə Kə Rabitəon mudir Enteniyo Skaramuççi bə Sipiyə Bina omey,çın kə sıxanəvot Şon Spayser ıştə postiku istefo doşe.zira çəy dılış nıbe bənə “Valstrit”-ədə ixtisodiyə fəaliyyətış bıə şəxsi dasti jiyədə ko bıko.bın holədə Skaramuççi Sipiyə Bina vey barzə məğami soyb bıə Rines Peribusi çı Sipiyə Bina aparati kommunukasiya direktorış eğanbdeşe saru ta çəy nom əyo ğeyd bıbu.de ın holi Sipiyə Kədə bıə hərcı-mərcəti demi həm bə oxo rəsedəni.Skaramuççi bə Sipiyə Bina daxil bıey da ruj bədiqə,de qıləy televiziya mısohibə zəmonədə bəştə kali həmkoron ələyh beədəbə sıxan oko doey xoto,ıştə koyış çı dasto doşe və çəy vəzifəşon bə qıləy bə pensiyə beşə generali aspardeşone.Con Keli iminə fərde ki,1970-ə sori çı Vatrgiti rısvoyə hodisə bədiqə çı Sipiyə Kə aparati kommunukasiya direktorəti vəzifəş hestebe iyən çı rəise cumhuri rostə dast be.Cef Seşnez həmçinin ısət ıştə Sərprokurəti vəzifəku ozod bıeyku astanədəy. Sipiyə Kədə qırd ım hərcı-mərcəti səbəb və illət çiçe?.
Bə ın sıvoli cəvob doey bənav bəbe bıvoti ki,Amerkə qırd devlətonədə çı koəkəyon miyono rəğobət iyən ixtilofon movcud bıə.dəvardə soronədə qırd ım istefo,rəğobət iyən ixtilofon movcud bıə.de ın holi ğasbu votey bəbe de tobə ısət joqo istefo iyən vırəbə vırəti hiç qıləy devlətədə bın əndozədə bıə ni.Sipiyə Kədə bo ın xaosi dərəsero,bəbe çandə qılə fərziyyəku bəhskəy.ım çoqılə fərziyyə çımonku iborəte çı Donald Trampi şəxsiyyətiku ki,ıştə dasti jiyədə bıə kəson canqiku ləzzət bardedə.çəy aylə nezə odəmon bə ım cari devləti ziyodə mıdoxiləon.çı siyosəti kanə brukratik uzvon de bə siyosəti ərsə tojə varid bıə kəson mıbohisəon. əmə bərnomə dəvomədə bə ın fərziyyəon işorə bəkardemon.
Donald Trampi psixoliji cəhəto təhğığ kardə kəson,etığodışon heste ki,ım şəxs de şiddəti dılış heste çı cokəsonku məlumat cəmko iyən səy kardedə de çıvon miyono mırəşulə eğandey əvoni həmmə bəştə tabeko və oxoyədə de səbarz bıə şəxson de mərhəməti rəftorko.bə Trampi əğedə əsos,ocizə fərdon çı koyku ixroc kardey bəçəvon noloyığəti xotoe və ım çı Amerkə prezdenti şəxsi xıslətonku bə hisob omeydə.məsələn Amerkədə vey populyarə televiziya diktoronku qıləyni ım ko əncom doydə iyən çın metodiku de çokə formə istifodə kardedə. ısətən bə nəzə rəseydə ki,Tramp Amerkə prezdenti unvanədə çə həmonə televiziya proqraməku ulquş peqətə iyən Amerkə devləti idorə kardeyro çın şivəku oko doydə.bə həmınə dəlili xoto bə nəzə rəseydə çı Sipiyə Kə muhimmə poston miyono ısət mısobiğə şedə ta fərdon ıştə bə prezdent Trampi bıə bəfodorəti nışondən.əmmo həmonə televiziya bərnomə bo camaati sə tasponey xotoye və oxoyədə çandə həzo dollar kəsb kardedən.əmmo umruj Sipiyə Kədə bıə macəraon çı Amerkə siyosi soxtemon iyən diplomatiyəş bə hədəf sıə.
