Ətomiyə təvafuği çərçivədə İron bəştə əhd-peymon əməlış kardə.

İroni xarıci vəzarətxanə Amerkə və Avropa muavin votışe: ətom enerji beynəl xalğiyə təşkilati raporton nışo doydə ki İron bə ətomiyə təvafuğ əməlış kardə.

Məcid Təxt Rəvançı təkidış kardə: Avropa və ətomiyə təvafuği imzoəkə kişvəron qırd bə İroni çokə əməl iyən dırıstə siyasəton etırof kardən və fəğət Amerkə rəsmi şəxson de kamə kişvəroni heju ğeyri ğanuniyə rəftoron pidəşone.

Təxte Rəvançi işorəş kardə ki ətomiyə təvafuği barədə Amerkə tam bədəhdion kardə votışe: dınyo vey ali rəsmi şəxson bə Amerkə ğeyri ğanuniyə siyasəton təkid kardən.

İroni xarıci vəzarətxanə Amerkə və Avropa muavin təsdiğ kardə ki İron ətomiyə təvafuği ləğv nibəkay əmmo əqə Amerka rəsmən çəy ləğv kardə xoto koon əncom bıdə İroni reaksiyaon vey zumand bəbe.

Təxt Rəvançi bə Viyanaədə mıştərəkə iclosədə bıə İroni etırozon və Amerkə rəftoron barədə raport doe işorəş kardə və votışe: əqə Amerkə ijən jıqonə rəftoron tikror bıbu dınyo çı Amerkə bədəhdion və ğeyri ğanuniyə rəftoron mışohidə və təsdiğ bəkay.

Ğeyd kəmon ki ətomiyə təvafuğ 2016 soriku İron və 5+1 nomo qrupi miyono imzo bıə.