İron və Omman məmləkəton ticariyə iclos ironi Cask portədə təşkil be.

İron və Omman məmləkəton ticari və sərmayə noe iclos ironi cənub Cask nomo bıə portədə təşkil be.

Bə telerədyo aqentəti xəbon əsosi ironi cənub Hormozqan ostani sənaye mədən və ticarət təşkilati rəis Xəlil Ğasımi həminə qırdbemonədə votışe: hormozqanı ostan iyən ironi 31 ostani imkanon və şərayeton ditəsərrufati baxşədə iyən mıxtəlif məhsulon istihsal sənaye həmçinin bə moyəvonəti anqıl bıə imkanon bə Ommanı ticariyə heyəti nışon doe çı iclosi əsosə hədəfış elan karde.

Ğasımi əlavəş karde Omman məmləkəti ditəsərrufati təmin karde voyəvonəti iyən ditəsərrufati baxşədə həmkariyə sənədon imza karde omman məmləkəti Xəsəb iyən Səlalə şəhrədə ticariyə ofisi okarde Omman məmləkətdə tərəvəz meydoni soxteyo sərmayə noəkəsi vıjne iyən ironi Hormozqan ostani ali məktəbədə ommanıjə tələbəon dərs hande iyən ironi Bəndərəbbas şəhrədə deyo ovi şin kardeyu sərmayə cəzb kardeş de ommanıjə heyət 2 tərəfə muzakiron əsosə muvzoş zınə.