İron və Tırkiyə miyono mudafiə sahədə həmkarion inkişof.

İroni həmmə silohinə ğıvvon ğərorqo fərmondə bə İron və Tırkiyə miyono mıştərəkə sərhəddiyə mənafe işorəş kardə ijən bə 2 qılə kişvəri miyono mudafiə həmkarion inkişof doe təkidış kardə.

Qeneral Mayor Muhəmməd Bağıri bə Tırkiyə ıştə 3 rujiyə səfəri oxoyədə Ankara muzakirəon çok hisobış kardə ijən mıştərəkə sərhəddonədə əmniyyəti bərğəror karde, de terrorist mubarizə barədə həmçınin Suriyə və İraği barədə İron və Tırkiyə miyono muzakirə iyən sohbəton mısbət hisobış kardə.

Qeneral Mayor Bağıri votışe: Tırkiyə və İron de bənə Daeş terroristiyə qrupon mubarizə barde xoto mıştərəkə vindemonış heste ijən məntəğədə ğeyri hamsuyə kişvəron mənfiyə huzuri barədə niqəranin.

İroni həmmə silohinə ğıvvon ğərorqo fərmondə həmçınin votışe: İron və Tırkiyə ğərbiyə kişvəron huzuri məntəğədə pidəşon ni.

Qeneral Mayor Bağıri 3 ruj çımiku bə nav qıləy İronıjə aliyə siyasi və hərbiyə heyəti bə i co bə Tırkiyə paytəxt Ankara varid bıə be ijən de Tırkiyə həmmə silohinə ğıvvon fərmondə Qeneral Xulusi Akar mıloğatış kardə.

Qeneral Mayor Bağıri ijən de Rəcəb Təyyeb Ərdoğan, Tırkiyə mudafiə vəzir və co qılə hərbi ali rotbəinə şəxson həm vindemonış kardə.