De imom Muhəmməd Bağır(ə) şəhodəti sorqardışi mınosibəti səbəsəloməti.

İslamiyə İron dınyo şiəyon 5 nə imom həzrət imom Muhəmməd Bağır(ə) şəhodətə şəvi sorqardışədə bə matəmə mərasimon şohid be.

Imruj 3 şanbə hicri ğəməri 1438-ə zilhəccə 7 bərobər de milady sori 2017 avqosti 29 dınyo şiəyon 5-ə imom həzrət imom Muhəmməd Bağır(ə) şəhodəti sorqardışe.

şiəyon 5 nə imomi ləğəb Bağır ya Bağırululum yəni elmon okardəkəse.

həzrət imom Muhəmməd Bağır(ə) 19 soro 10 manq ıştə əzizə dədə həzrət imom Zeynulabedin(ə) şəhodəti bəpeştə jimonış ka və ım mıddətdə bə imaməti yolə vəzifə məşğul be.

imom Muhəmməd Bağır(ə)ıştə imoməti devranədə I ləhzə həm islamiyə mədəniyyəti nəşr və təbliğ iyən şaqirdon təlim və duston və cəmaəti rəhbərəti karde milləti miyonədə ıştə yolə cədi rəsl iyən adəton icra karde və ğasibə hukuməti diğğəti bə rəhbəri səhihə xətti tərəf cəlb kardeyu  I ləhzə həm ğəflətış nıkarde.

dınyo şiəyon 5 nə imom nəhayətdə hicri ğəməri 114 minnə sori zilhəccə 7 nə ruji 57 sorətiədə Mədinə şəhrədə əməvi xəlifə Heşam İbne Əbdulməlekı doə zəhrədə bə şəhodət rəsedə..

islamiyə ironi həmmə vıronədə bə cəmaət həzrət imom Muhəmməd Bağır(ə) şəhodətə şəv iyən ruji sorqardışədə məçiton təkiyəon  Məşhədı mığəddəsə şəhrədə dınyo şiəyon 8 nə imom həzrət imom Rıza(ə) pokə hərəm iyən Ğom mığəddəsə şəhrədə həzrət Məsumə(s) pokə hərəmədə əzadarətişon karde.

İron İslam Respublika telerədyo dınyo şiəyon 5 nə imom həzrət imom Muhəmməd Bağır(ə) şəhidəti sorqardışi mınosibəti bə həmmə mıslmonon və dınyoədə ozodəti tələbkardəkəson səbəsəloməti dodə.