İronədə Xorrəmşəhr nomo bıə balıstik rəkıt de muvəffəğiyət imtovon bıə.

İroni Xorrəmşəhr nomo bıə balıstikə rəkıt de 2000 kilometr məsofət imtovon bıə.

Bə İrib raporti əsos Xorrəmşəhr nomo bıə əzəmətinə rəkıt çı İroni 3 minə balıstik rəkıte ki 2000 kilometr məsofətiku dəvarde və hədəfon məhv karde ğabeliyətış heste.

Qeneral Mayor Hacizadə cımə rujədə bə jurnaliston votışe: ım balıstik rəkıt çand qılə canqiyə sə(bombaon) barde bəzne və çəy canqiyə səon karde bəzne bə 2 ton nızi bombaon detosə hədəf bıbə.

İroni Sepah Təşkilati Avsiya ğıvvon fərmondə əlovəş kardə: Xorrəmşəhr nomo bıə balıstik rəkıti xusiyət ıme ki i qılə canqiyə sə əvəzi de çanqılə bombaon həml karde bə çand qılə hədəfon həmlə karde bəzne.

İroni prezident Doktor Ruhani həm Tehronədə hərbion cəmədə təkid kardə ki İron ıştə rəkıtiyə ğudrəti zumand karde fikədəy və ım sahədə hiç kəsiku icozə ni bəstımon.