De İmom Zeynulabedin(ə) şəhodəti sorqardışi mınosibəti səbəsəloməti.

Imruj 3 şanbə hicri ğəməri 1439 nə sori məhərrəmə manqi 12 minnə ruj Xıdo rəsul(ə) pokə ailəku de Səccad ləğəbi həzrət İmom Huseyn(ə) avlod həzrət İmom Zeynulabedin(ə) şəhodəti sorqardışe.

İmom Zeynulabedin(ə) dınyo şiəyon 4 minnə imom hicri ğəməri 38 nə sori Mədinə şəhrədə bə dınyo omə.

 Həzrət qıləy devranədə jidə be ki şərayet islami əzizə peyğəmbər(s) ailəyu ve saxt dəvardə be.

İmom Səccad(ə) ki kərbəlo hadisədə noxəş be İmom Huseyn(ə) əzəmətinə ğiyami bəpeştə ım ğiyami mesaji nəşr kardeyu iyən ıştə əzizə dədə ro dəvom doeyu qonə məsuliyyətış bə uhdə qəte və ım ğiyami mahiyyət və əhəmmiyyəti nışon doeyu veyə fəaliyyətış karde.

şiəyon 4 minnə imom islamiyə tarix və mədəniyyəti bino kardeədə iyən kərimə ğıroni əslımandə təlimaton inkişaf doeyu həm fəaliyyətış bə və de qıləy məxsusəö diğğət iyən nəzə  mıslmonə alimonış tərbiyət kardə ta çı royku kərimə ğıron və islami əzizə peyğəmbər(ə) əxlağ və səhihə ro hifz bıbo.

ə həzrət  ləyoğətinə insonon cəm kardeədə bəvon təlim dodə be jıqo ki bə tarixi rəvoyəti əsosi həzrəti zumandə şaqirdon 170 nəfərisə ve elan bə.

İmom Səccad(ə) coqlə ğeymətinə əsərış həm heste və əv islamı əbədiyə təlimaton bəyon karde dıvo ğolibədəy. ım erjinə sıxanon "Səhifeye Səccadiyə" nomo bə kitobədə qırdə bəy və mıslmonon etıborinə kitobonkuy.

İron İslam Respublika telerədyo de İmom Səccad(ə) şəhodəti sorqardışi mınosibəti bə dınyo həmmə mıslmonon məxsusən tolışə həmzıvonon səbəsəloməti dodə.