Ayətullah Məkarem Şirazi bə Myanma mıslmonon komək.
Ayətullah Nasir Məkarem Şirazi Ğom şəhrədə bə yolə mərcə təğlid təğribən 25 həzo dollar bə Myanma mıslmonon koməkış karde.
Bə telerədyo aqentəti xəbon əsosi Ayətullah Məkarem Şirazi zinə işarəş karde ki bə Myanma mıslmonon komək karde həmmə mıslmonon vəzifəy və əlavəş karde islamiyə məmləkəton yolon iyən mıslmonə milləton bəpe dast bə dast bıdən və Myanma məmləkətdə insoniyə faciə vədə tam nıjənon.
Ayətullah Məkarem Şirazi eyne holədə Myanma mıslmonon ğətliam karde vədə beynəlxalğə səthədə bə ictimaiyyəton tam jeku tənğidış karde və votışe:ha şəxs ki vicdanış bıbo Myanma avərəon saxtə şərayeti vindeədə norohət bedə.
Həzrət Ayətullah Xamenei islami inğilabi yolə rəhbəri oktiyabri 17 minnə ruji ironi "helale əhmər cəmiyyəti" rəis iyən bı təşkilatdə vəliyye fəğih nımayəndə nıvıştə məktobi vədə ki rohinqiya mıslmonon bevəcə şərayeti barədə be 250 həzo dollar Myanma məzlum iyən be pənohə avərəonru coş karde.