Bə Ərbəyine Huseyni(ə) sorqardışi xoto səbəsəlomətəti.

Imruj Ğəməri Səfə manqi 20, Miladi Noyabri 9 iyən çı şəhidon əğə dınyo şiəyon 3-nə ostovə, İmom Huseyn(ə)-i şəhodəti Ərbəyine(40-nə ruje).

Həzrət İmom Huseyn(ə) çı Ğəməri 61-nə sori Məhərəmə manqi 10 Kərbəlo ədə deştə i dastə bəfodorə yaron ijən bo İslame nabe Muhəmmədi(s) dini bəji karde xoto şəhid bıən.

Həminə matəmə mınosibəti xoto bo Ərbəyine Huseyni(ə) mərasimonədə iştirok kardero çand milyon zair İraği muxtəlifə vırəonku ijən co kişvəron əcumlə İroniku de piyodə lınqi iyən kərvonon və əzodorəti heyəton ğalibədə bə İraği cənub ğərb ədə bıə Kərbəlo mığəddəsə şəhr varid bıən.

İroni millət zinə şəviku ijən İmom Huseyn(ə)-i şəhodəti Ərbəyini xoto məçidon, Huseyniyəon, Məşhədədə bıə dınyo şiəyon 8-nə İmom Həzrəte Rıza(ə)-i pokə hərəm iyən Ğomədə bıə Xanım Məsumə(s) ğəbi vırədə əzodorətion binoşon kardən.

Nohə hande, bə sinə jəe, iyən çı İmom Huseyn(ə)-i məğam və şəxsiyəti barədə nıtğ karde çı İmom Huseyn(ə)-i şəhodəti Ərbəyini şəv iyən ruji mərasimonədə bıə vey muhimmə bərnamonku heste.

İroni Tolışi Rədio koəkəyon həm çı İmom Huseyn(ə)-i şəhodəti Ərbəyini bəşımə səbəsəlomətəti ərz kardən.