İslami inğilabi yolə rəhbər buməlarzə vində məntəğon vindeyu bə Kermanşah səfərış karde.

İslami inğilabi yolə rəhbər Həzrət ayətullah Əl-uzma Xamenei ımruj sıb I minnə saatonədə be xəbə bə buməlarzə vində məntəğə şe və de Kermanşah mısibət vində cəmaəti vindımonış dəvoni.

İslami inğilabi yolə rəhbəri əvvəl bə Sərpol Zəhab nomo buməlarzə vində şəhr şe və bəzi ziyan vində vıronış nezico vinde.

Həzrət Ayətullah Xamenei peso Sərpol Zəhab şəhri şəhrvandon cəmədə hozzı be və çı şəhri mısibət vində əhaliyu qəpış jə.

İslami inğilabi yolə rəhbəri Sərpol Zəhab şəhri cəmaəti cəmədə əlavəş karde ım qıləy  doğ və mısibəte ki çəmə millət ım məntəğədə təğribən 500 nəfər ıştə əzizonışon dastdə do.

Həzrət ayətullah Xamenei votışe: məsul şəxson həm ha qıləy mıxtəlif baxşonədə fəaliyyətışon karde və əqər çəvon fəaliyyəton nəbi de ğətiyyəti veyə problemon əbin əmmo az bimi həm rozi nim.