Zərif:məntəğə əmniyyət de hamsuyan vəhdəti bərğəror bəbe.

İron İslam Respublika xarici koon vəziri votışe:məntəğə əmniyyət de hamsuyn vəhdət bərğəror bəbe.

İroni xarici koon vəzir Muhəmməd Cəvad Zərif zinə şanqo qıləy tuvitteriyə mesajədə nıvıştışe:məntəğədə nooroməti sərçəşmə bə ım məsələ bovə pəydo kardeye ki əmniyyət xariciku təmin bənine qıləy holədə ki əmniyyət məntəğədə de hamsuyən vəhdəti bə nəticə bərəse.

çimiku bə nav Muhəmməd Cəvad Zərif dəvardə 5 şanbə əsrə vaxti İtaliya paytəxt Roma şəhrədə miyonə deyo beynəlxalğə iclosədə işarəş kardə be ironi  huzur Muriyə məmləkətdə çı məmləkəti devləti rəsmiyə tələbi əsosədə əncom bə.

ironi xarici koon vəziri işarəş karde məntəğədə bəzi məmləkəton təsəvvur kardən de hamsuyan həmkarəti karde əvəzi karde bəznen silah hıreədə əmniyyəti həm hıre və ıştə sıxanon dəvomədə əlavəş karde həmmə bəpe de iyandı həmkarəti kardeədə nezə şərğ məntəğə jimon kardeyu qıləy əmnə vırə bıkən.