Qeneral Şərif: Ərəbon iyən sionist rejimi miyono sazişi prosesədə problem icod bıə.
İroni islamiyə təbliğon həmohənq əkə şura iyən Ğuds və intifozə ğərorqo rəis votışe: Amerkə səfarətxanə bə Beytulmuğəddəs oştoniye ərəbon və sionist rejimi miyono saziş plani vədə mane icodış kardə.
Bə Mehr aqentiyəti raporti əsos qeneral Rəmezan Şərif təsdiğış kardə: ım şeytoniyə plan çı Fələstin muğavim və məzlumə milləti həxon poymol karde iyən bə işğal əkəyon komək karde .....əkə pane ki yəğin islam dınyo umum iştimaiyəti ciddi reaksiyaon bois bəbe.
İroni islamiyə təbliğon həmohənq əkə şura iyən Ğuds və intifozə ğərorqo rəis Amerkə səfarətxanə bə Beytulmuğəddəs oştoniyə bə Ğudsi işğal rəsmiyət doe zınəş be iyən çəy təsir və nəticə barədə votışe: Fələstin və məsələ İsraili cinoyəton barədə ısət dınyo vey həssasbıə iyən ərəbiyə kişvəron de ım rejim rabitə adi kardero vey mıhofizətkor bıən.
Dəvardə sori Dekabri 6 ijən məntəğə və dınyodə çandə etırazon jiədə əmmo Amerkə prezident Donald Tramp elanış kardə ki Amerkə Ğudsi bənə siyonist rejimi paytəxt zınəydə ijən ıştə səfarətxanə bə Ğuds oştoniyə məğsədış heste.
Im qıləy holədə ki İ Bıə Milləton Təşkilat dəvardə sor Dekabrədə bə Ğuds himoyə dorti karde xoto de 118 qılə muvafiğə sədo de Ğudsi bənə siyonist rejimi paytəxt resmizınə muxalifətışon kardən.
