Ərəbiston və Amerkə şərikəti məntəğə bestabil karde cəhətədəy.
İroni xarıci vəzarətxanə sıxənəvot Bəhram Ğasımi çı Amerkə xarıci vəziri tojə iddion cəvobədə votışe: Mayk Pompeo anti İroni səxənon iyən Ərəbiston və Amerkə miyono elan bıə şərikəti məntəğə bestabil əkə, canq, silohinə rəğabəton, radikalizmi hevuj karde iyən Ərəbistonədə tojə be təcrubə siyasətmədoron perosniye sahədəy.
Ğasımi çı Ərəbiston və Amerkə şərikəti nəticəon barədə bə repressivə rəftoron, məntəğə kişvəron bə yande xatircəm nımande, bestabilə noəmnə vəziyət, iyən məntəğədə bohranon işorəş kardə və əlovəş ka: detosə bə zəmon ki jıqonə xəbisə şərikəti dəvomış bıbu məntəğədə əmniyyət oromtəti və inkişof təşkil nibəbe.
Əv məntəğə kişvəron daxıli koonədə mudaxilə karde barədə Pompeo iddion barədə be əsos və puş zınəş be və təkid kardə: İrağ və Suriyədə İroni hərbiyə huzur məntəğədə de terrorizm mubarizə bıkon hejo dəvom peydo bəkay.
Bəhram Ğasımi, Yəmənədə İroni mudaxiləo barədə bəyon bıə iddionış, bo Ərəbistoni təcavozi tocih kardero be əsos və be erjə bəhonə zınəş be ki məntəğədə xarıci ğıvvon huzuri dəvom peydo karde bois bıə.
Amerkə xarıci vəzir Mayk Pompeo ki bə məntəğə səfərış karde və zinə Ərəbistonədə de ım kişvəri xarıci vəzir Adel Əlcobəyr xəbəiyə iclosədə ijən İroni məntəğəiyə siyosətonış tənğid kardə.
