Avşımi ro oj kardeyo Talibani hozzı bıe
Nov 29, 2022 13:54 Asia/Tehran
Talibani ticarət iyən sənaye vəzorətxonə de Vaxan nomo ro de Avışım torixiyə ro nomi oj kardeyo ıştə hozzı bıe elan kardey Çini dıvlətiku tələbış ka ın ko surətinə surətədə əncom bıdə
De Əfğan (ava) sədo xəbəriyə mərkəzi raporti əsos Talibani hukuməti ticarət və sənaye vəzir Nurəddin Əzizi votışe: Vaxan ya Avışımi ro bəzne Çin və Əfğanıstoni miyono ticarəti səviyə vey bəkay və bo məhsulon tıranzit kardeyo bə qıləy əmnə ro təbdil bıbo.
Əzizi əlovəş ka Talibani mıvvəğətə dıvlət bo ın dəhlizi ojbıeyo ıştə hozzı bıeş elan kardə və Çini rəsmi şəxsonku həm pidəşe ın ko xəyli rəv əncom bıdə.
