Ceninədə qıləy Fələstinıjə cıvon şəhid bıə
Sionist rejimi hərbiçion bə ğərbi sahili şimol həmlə kardışone və ım həmlədə qıləy Fələstinıjə cıvon şəhid bıə iyən 8 nəfər həm zəxmin bıən.
Bə Fars aqentiyəti raporti əsos, Fələstini səhiyyə vəzorətxonə elanış kardə: zinə sıb qıləy Fələstinıjə 37 sor sınnış bıə cıvon ki çəy nom Əşrəf Muhəmməd Əmin İbreym be, ğərbi sahili şimolədə Cənin şəhrədə de sionist rejimi qullə ğandey vositə şəhid bıə.
Im Fələstinıjə cıvoni şəhid bey dumoədə, Fələstini islomi və milli qrupon elanışon kardə Cənin şəhrədə komilə vəşyəni icod beyku xəbəşon do.
Vəfa nomo Fələstinıjə rəsmi aqentiyəti həmçınin qıləy raportədə elanış kardə: bə Cənin şəhri sionist rejimi həmləon cərəyonədə 8 nəfər Fələstinıjə cıvon zəxmin bıən.
Har ruj sionist rejimi hərbiçion de muxtəlifə bəhonəon Fələstini millət zəxmin, dastqir iyən şəhid kardedən, Fələstinıjon həm sioniston cəvobədə muğaviməti əməliyoton əncom dodən.
