Ramullahədə sioniston de qullə ğandey vositə, qıləy Fələstinıjə nocıvon şəhid kardışone.
Kali mənbəon xəbəşon do ki Ramullah şimolədə de sionist rejimi hərbiçion vositə, qıləy Fələstinıjə nocıvon şəhid bıə.
Bə Əlyəom Fələstinıjə kanali raporti əsos, zinə əsrədə sionist rejimi hərbiçion bə ğərbi sahili kənoədə Ramollah şimolədə Ome Səfa diədə həmlə kardışone və bə ım di əholi səmt qullə ğandışone.
Bə həminə raporti əsos, bə di əholi səmt sionist rejimi hərbiçion həmləon dumoədə Muhəmməd Əlbayez qıləy Fələstinıjə nocıvon şəhid bıə.
Məhəlli mənbəon həm xəbəşon do ki ım daveonədə çand qılə co Fələstinıjon həm zəxmin bıən.
Co tərəfiku həm zinə Cımə rujədə Ğəlğiliyə şərğədə sionist rejimi hərbiçion, bə qədə şəhron soxtey ələyh har haftə reaksiyaəkəyon səmt, de zəhrinə qazi vositə həmlə kardışone.
Dəvardə manqonədə, İordaniya ru ğərbi sahil de sionist rejimi hərbiçion həmləon vədə, Fələstinıjə şahrvandon muğavimət iyən de sioniston vədə Fələstinıjə mubarizə əkəyon silohinə mubarizə əlovə bey şohyd be.
Im vəziyət de şiddətin sionist rejimi hərbi və siyosi yolon niqəron kardəşe jəqo ki bə hırdənon və nocıvonon həm qullə ğandışone.
