İron İslom Respublika, Ğəzzə tanqədə bə otəşvəsi ğətnomə veto bıey, reaksiya nışoş do
İron İslom Respublika prezdent Ğəzzə tanqədə bə otəşvəsi ğətnomə veto bıey reaksiyaədə nıvıştəşe: Amerkə, Ğəzzə hırdənon və jenon ğətliamədə vey muhimmə himoyəkəy.
İron İslom Respublika prezdent, Seyd İbreym Rəyisi İks nomo ictimai kanalədə Ğəzzə tanqədə bə otəşvəsi ğətnomə veto bıey reaksiyaədə bə Ğəzzə tanqədə təcili otəşvəsi ğətnomə rəd kardeyədə bə Amerk anti bəşəri hərəkət reaksiya nışoş do və nıvıştəşe: Amerkə nışoş do ki Ğəzzə məzlumə hırdənon və jenon zalımonə ğətli-am vey muhimmə himoyəkəy.
İron İslom Respublika prezdent ijən əlovəş kardə: de ım vecud ki Fələstinədə sioniston canqi cinoyəti oqəteyro, Amerkə, əmniyyət şuraədə de otəşvəsi ğətnomə veto kardey vositə, subitış kardə ki ım canq, cinoyəton və ğətli-ami maşini sutemoni vey muhimmə rişə, israile.
Cımə əsrədə İ Bıə Milləton Təşkilati əmniyyət şura, İ Bıə Ərəb Əmirəti təklifi ğətnomə bə sədo noə bıə ki Amerkə bənə əmniyyət şura daimə uzv, Ğəzzə tanqədə otəşvəsi bərğəror kardeyro ım ğətnomə vetoş kardə.
Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.
Bə Fələstini səhiyyə vəzorətxonə sıxənəvoti votey əsos, Oktiyabrə manqiku tosə ısət, bə Ğəzzə tanqə sionist rejimi təcavuzi şəhidon miğdor bə 17 həzo 700 nəfər rəsə.
Həmçınin bə Ğəzzə tanqə sionist rejimi təcavuzon zəxim bıə kəson miğdor 48 həzo 780 nəfər elan bıə.
