Əbədiyə ətr
https://parstoday.ir/tly/news/religion-i49288-Əbədiyə_ətr
Əbədiyə ətr
(last modified 2025-07-21T08:04:09+00:00 )
Dec 08, 2024 13:28 Asia/Tehran
  • Əbədiyə ətr

Əbədiyə ətr

Ğədiri məsələ sırfən qıləy torıxi məsələ ni,bəlkəm çe İslomi camiiyyət iyən komiləti məsələy.ehyanə Nəbiyyi-Mukərrəm ki,da sori dırozi de təəssıbon iyən xorafati umuj qıniyə qıləy bədəvi camiyədə dıjdə mıborizəonış barde və deştə bəfodorə əshobon koməqi həmonə camiyəş bə qıləy islomi mutərəğğiyə camiyəş təbdil karde-bo çın da sori bədiqə qıləy fikış kardə nıəbe çe umməti ixtiyorədə qıləy nəxşə iyən xəritəş noəş nıəbe,ın ko notəmom əbi.cohili təəssıbon sətij iyən bınbıni anədə nığıl be ki,ğasbu boçəy təmiz kardero bə ziyodə dırozə soron niyoz iyən ehtiyocış hestebe.zohiron vey çok be.mərdumi imon qıləy çokə imon be.həlbəttə,həmmə qıləyni iqlə səth iyən səviyyədə nıbin.bəziyon çe pəyğombəre-əkrəmi(s) bəfoti zəmonədə i sor be,şəş manq be,dı sor be ki,islomışon vardəbe.əv həm pəyğombəri(s) hərbi ğudrəti əzəmət de islomi camiyə bə ico be,ımonış bə islomi səmt şıkırnəşbe.həmmə ki,çəy ihissə iminə devroni nığılə mısılmonon bin.bo çın camiyə nığılətiyonku cohili sətiji pok kardero iyən bo islomi hidoyəti xətti sərost nığo doeyro,pəyğombəri(s) zəmoniku da sor bədiqə,qıləy tədbir lozım be.ehyanə ın tədbir əncom doey bıənıəbe,ko notəmom əmandi.ısət ki,Mayidə mıborəkə surə ayədə hamyedə: ”Əlyovm əkməltu....ın məno bəyon kardedə ki,-ın islomi nemət,hidoyəti nemət,bə bəşəriyyəti camiyə siratəl mustəğimi nışon doə nemət- həmonə zəmon təmom iyən komil bəbe ki,bo pəyğombəri(s) bədiqə  roy xəritə mıəyyən bıbu.ım qıləy təbiyi koye....

Həyğətən,Ğədir iyən Əmirəl-Muminin İmom Əli(ə)bənə İslomi umməti vəliiyi-əmri iyən pəyğombəri(s) bədiqə  bıə canişini unvoni təğdım kardey,çe Xıdovənde-Mutəoli dıjdə nemətonku qıləyniy be.yəni çoko ki,nıbuvvət iyən risoləti əsl iyən prinsip,İlahi mınnət iyən İlahi dıjdə nemətonku qıləyniy be ki,”ləğəd mənnəllahu ələl mumininə....çe Əmirəl-Muminin İmom Əli(ə)-i viloyəti həxədə həm həyğətən qıləy yolə mınnət iyən dıjdə nemət be.”xəlğəkumullah ənvarən.... tosə oxo...həyğətən,dıjdə neməte.çok,Əmirəl-Muminin İmom Əli(ə)-i viloyət iyən çe viloyəti məsələ,Ğıronədə Mayidə mıborəkə surədə bə kofiron məyusəti səbəb beydə.”Əlyəvmə yəisəlləzinə kəfəru min dinikum” həmonə ruj ki,de Ğıroni nəss iyən ğətiyə hukmi “yəisəlləzinə kəfəru....bə kuffor iyən kofiron məyusəti səbəb beydə ki,mərhukm Əllomə Təbətbayi Əlimizoni təfsirədə bın zəminə qıləy vey ğəşənqə təfsir iyən təfsilış heste ki,çın məyusəti çokonə bey iyən keyfiyyəti bəyon kardedə və nışon doydə ın məyusəti de kom məntığiye.coqlə vırədə həmonə şərifə surə ın mıborəkə ayəy ki,”və mən yətəvəlləllahu.....ki,çe ”Əlləzinə amənuku” murad və məğsəd bın ayədəy iyən vəynə ayə ki,”vəhum rakiuun”-e.(qıləy ruku ki,votedon)ruku holədə infoğ kardedə- Əmirəl-Muminine(ə).”Amənu” bın ayədə həm bə həmonə çi qıləy işorəş heste.(yəni) “innəma vəliyyukumullah”-i bədiqə ayə.bın zəmon iyo “Hizbullah” həmonə kəsonin ki,çın imon iyən hərəkəti dumo şeydən,”Ğalibun” təğdım kardedə.yəni iqlə co çe kuffori məyusəti,iqlə vırədə çe əhlı-həxı səbarzəti məsələ.İslomi umməti iyən İslomi camiyə hərəkəti zəminə,məxsusən şiyə camiyə.ımonin çe ğələbə səbəbon iyən bə kofiron məyusəti səbəb bıə çiyon iyən çəmə ixtiyorədə bıə ğudrət iyən zu səbəbon….