Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə):”Kəm min sayimin…..veyə rujə əqtəon mevcude ki,ıştə rujəku sıvoy vəşyanəti iyən təşyanəti co qıləy bəhrəş nibəbarde və veyə nımojəvoton heste ki,çəy nımojiku ğərəz oğoəti iyən renc bəy hiççi nəsib nibəbe......
Həlbəttə ım bın mənoədə ni ki,ikəs bəştə har rujnə vərdışi xoto və bəzən həm bə Xıdo dığğət nıkardə holədə nımoj votedə iyən çəy nımoj betəsir iyən befoydəy.bəlkəm,bo nımoj iyən nımojəvoti çandə qılə mərtəbə və dərəcəon təsəvvır kardey bəbe.oşkoye mənəvi cəhəto çe kəmoli dərəcə və mərtəbə barz iyən bəvədə dığğət ziyod bıbu,çə nımoji həm barzə səviyyədə qıləy dərəcə və vırəş bəbe.
Əkəs ki,votedə az,nımoj votedənim iyən rujə qətedənim,əmmo çe qıno əhl həm nim,bəpe bıvotəmon ki,ehyanə nımoj deçəy komilə şərton bə vırə rosney bıbu,insoni conədə çe ixlos iyən bə Xıdo bovə kardey ruhiyyə həm ziyod bəbe ki,çəy nəticə həm əxloği fəziləton perosney iyən qınoku bə diyəro mandeye.inson de nımoj handey,ıştəni çe maddi məhdudə dınyoku iyən çe təbyəti divo ço tərəfiku co kardedə və bə xaric bardedə.jıqo qıləy kəs həmmə holədə Xıdo hozzı iyən nazir vindedə və zıneydə.
Kərimə-Ğıroni vey reçinə ayəonku qıləyni Ənkəbuti mıborəkə surə 45-ə şərifə ayədəy ki,jıqo hamyedə:”İnnəssəlatə...nımoj(insoni) çe yavəti iyən qınoku obəqəte”.nımoj inosni çe qınoku oqətə həmməysə zumandə amuile.qıləy inson ki,nımoj handero bəsə poysə mandedə iyən təkbir votedə,Xıdo bəsə həmmə çiyonsə barz hisob kardedə.jıqo qıləy insoni dıl iyən rufədə bə həxi səmt qıləy cımbəcuşəti iyən bə pokəti tərəf hərəkət və bə təğvo səmt həm qıləy vaştemon pəydo beydə.əmmo bəpe dıəğğətkəmon ki,tıbğe Bəğərə mıborəkə surə 43-ə şərifə,bəpe iğamə bıkəmon.”əğimussəlah”-nəyinki,əmə ıştə nımoji bəsə poysə bıvotəmon.holı-hozıyədə çe Kərimə-Ğıroni təfsırəvon,fəğih iyən ustod Əbdullah Cəvadi Amuli bın barədə jıqo hamyedən: ”bəmə əmrışon kardə ki,bə nımoji bəsə poysəti bıbaxşəmon.ın hıtə nımoji oğo bıkənən ki,bıdə rost bıbo.çunki,ehyanə dılış piye mıborizəko,bəpe oğo bıbo.əmə piyedəmon ni ki,şımə fəğət bənə formal vərdışi iqlə zikron bıbu və həni hiççi.dılımon heste qıləy kokəmon ki,de ın ko çe qıno vəy qətey bıbu.əqər bəsə poysə nıbu,çe qınoku nəhyi ğudrətış həm nibəbe.inson bə zəmon bəştə nımoji bəsə poysəti bəbaxşe və bədoe ki,çəy ıştən qıləy bəsə poysətiş bıbu.çanədə ki,çəy bə ğeybi imonış nıbu və çe təğvo əhlı nıbo,həni qıləy zu və ğudrətış nibəbe ki,çe nımoji kəşi jiyku bıqəto iyən əy rost bıko”…
