Nəhcul-Bəlağə pand iyən hikməton
Nəhcul-Bəlağə pand iyən hikməton
Həzrət İmom Əli(ə) Nəhcul-Bəlağə 147-ə hikməti dıminə baxşədə jıqo hamyedə:Ha Kumeyl ha!....elm çe molisə vey çoke(çıro ki,)elm,tıni xandi kardedə,əmmo tı bəpe ıştə moli nığo bıdoş.sərvət de baxşeşi bəkam bəbe və holın ki,elm iyən zıney de baxşeşi barz bəbe və ruşd bəkarde.ikəs ki,çəy şəxsiyyət iyən mevcudiyyət de sərvəti məşğul bıeye,deçəy çe miyoniku şey,əv həm məhf bəbe,bəşe.Kumeyl,rostə mərıfət iyən elmi sərmoyə,çe bəşəriyyəti mandeqor və əbədiyə ayine ki,jimoni devronədə,çe bandəçəti iyən Xıdopərəstəti roy nışonış doə və çe maqi bədiqə həm çokə nomi əbədi kardedə.elm iyən zınemonbə bəşəri fik iyən əndişəon hukumət kardedə.qıləy holədə ki,mol iyən sərvət bə insoni irodə məhkume.
Əmirəl-Muminin İmom Əli(ə) bın çand cumlədə çe elm iyən mərıfəti bəsə maddi sərmoyəonsə bıə barzə erj iyən imtiyozi bəyon kardedə:elm,inson iyən çe insoniyyəti qırd reçinətiyon nığo doydə.qıləy holədə ki,sərvət və mol jıqo ni.hakəsi ziyodə sərvətış bıbu,veyə niqəronəti iyən norohət- çətiş bəbevə boştə mol-devləti xandi kardero çe har qıləy şivəku oko bədoe.joqo ki,əv ıştə mol və sərvəti bə bankon bəsparde,çe biməku koməq bəstəne,çe çandə nev mıhofizə sistemonku istifodə bəkarde,hıvoskə iyən məmur bə xıdmət pebəqəte və sayirə.əmmo demon həmmə ijən əv,orom beydəni və ğərol qəteydəni,aşuftə hanon vindeydə və odəmi orom kardə bə çandə nev həbon səmt dim qəteydə.
Elmi coqlə barzəti ıme ki,ehyanə qıləy sərvətinə odəm baxşeş bıko,çəy sərvət şe-şe bəkam bəbe.və holın ki,elm iyən zıney de nəşr iyən intişori ozavziyedə.alim ıştə elmi diyaloqi şua jiyədə iyən ıştə zınəyon bə cokəson omutey sayədə,ıştə elmi vey kardedə.hakəs ki,qıləy təlim iyən tədrisış təcrubə kardə,çok-çoki dərəseydə ki,bo elmi perosneyro ğərəz tədrisi co qıləy çokə çi ni. çımonsə əlovə elm de şoqirdon tərıği pevolo beydə və ım ıştən çe rudş iyən ozavziyeku co qıləy neve...
Elm iyən sərvəti miyono seminə tafut ıme ki,sərvətmandə odəm bəştə mol-devləti dılış dəvastə. joqo ki,əv,ıştə xıyzon iyən duston cəmədə və de cokəson rəftorədə sıvoy ıştə mol iyən devləti cəm kardey,co qıləy dılvandi ya dılsandiş ni.har qıləy ğədəm ki,peqəteydə,ıştə maddi ğudrətiku koməq seydə.joqo ki,ehyanı çəy qıləy beovandə savdı və ticorətış bıbu və bəçəy sərvət iyən sərmoyə dılə qıləy rıxnə daxil bıbu,qahi vaxt çand saati ərzədə ıştə qırd be-nıbey çe dasto doydə.əmmo mığobil tərəfədə,əqər alim iruj noxəş bıbu və bəştə elmi izofə nıko və ya çe dınyoku bışo,çəy şoqirdon çəy vırə bəqəteyn iyən çəy bə noxəşəti və ya bə bəfoti xoto bıə xali və təyliyə vırə pur kardedən və ın ko hejo jəqo çandə qılə nəslonədə dəvom pəydo kardedə....
