Əbədiyə ətr

Əbədiyə ətr

Amerkə əyolət iyən şəhronədə mışohidə bıə ımrujnə vəzyət,qıləy həyğəte ki,hejo punhon oqətey beydə.ımon nuyə çiyon nin.ımon çe həyğəton buruz pəydo kardeye ki,çe hovuzu bınədə cəm bıə lehmə bəpe rost beydə iyən ıştəni nışon doydə.ın holət ın curnəy.ısət məsələn fərz bıkənən ki,iqlə polis de qırd xunsardəti ıştəzonu çe qıləy siyuəpustə fərdi qərdəni peyo noydə,hejo jəqo həm oqəteydə iyən əy eqəteydə ta əv con bıdo-əv, lovə kardedə.koməq tələb kardedə.ım həm xunsard bınışto çəy peyo iyən əy eqəto,-çandə qılə co polison həm təmşo kardedən iyən hiç qıləy hərəkət əncom doydənin,qıləy çi ni ki,tojə bə əməl omə.çe amerkəvıjon təbyət və zot jıləvoniye.ım qıləy koye ki,amerkəvıjon de qırd dınyo tosə ısət jıqo kardəşone.de Əfğanıstoni jıqo kardeşone.de İraği həmonə koşon əncom doe,de Suriyə həm jəqo kardeşone.de dınyo ziyodə kişfəron jıqo kardəşone.ə cumlə de Vyetnami həm həmonə koşon kardə.ım çe amerkə əxloğe,ım çe amerkə hukuməti təbyəte.ımruj ıştəni jıqo nışon doydə.ısət mərdum şuor doydən ki,”bəhaş bıdə nəfəs bıkəşım” ya”nəfəs kəşey zıneydənim”,ki,mıxtəlifə əyoləton iyən şəhronədə hovujə formədə mitinqon,ımruj çe milləti şuro bıə,ım həyğətədə çe həmmə milləton dılon sıxane ki,amerkə əyo zolımonə şikilədə daxil bıə iyən hərəkətış kardə.ın curiye...

İmom Xomeyni(ə) əslə İslomış çe amerkə islomi vədə ğərolış doe.amerkə islom çiçiku iborəte?.amerkə islom çəmə zəmonədə iyən İmomi(r) zəmonədə iyən həmmə zəmonədə-tosə əvrə ki,əmə zıneydəmon,mumkine ayəndədə həm ın curnə bıbu-dıqlə şoxəşə ziyodə ni.qıləyni sekular və dini siyosətiku co bıə islom və coqləyni həm fanatik,sığ kardə bıə islom.liza İmomi(r) sekularə təfəkkurış bıə kəson-yəni dini,camiyə,çe insonon iştimoyi rəftori çe İslomiku co kardə kəson-dayima çə kəson cərqədə ğərol doydəbe ki,bə dini de qıləy sığədıləti və təhəccuri nəzəşon heste.yəni bə duyə fundamenti əsos,nuyə əndişə və bo fanatikə insononro dərk kardey nıbə bə dumo nəzə kardeye.İmom(r) ımoni har dıqləyni çe iyande kəno zikr kardedə.ımruj ki,şımə nəzə kardedon,vindedon ki,İslomi har dı nımunə İslomi dınyoədə mevcude.har dıqləyni həm çe dınyo ğoldorə ğudrəton iyən çe amerkə himoyə jiyədən.ımruj həm bənə daiş,əlğayidə və bənə ımi bıə mınhərifə cərəyonon çe amerkə iyən israyili himoyə jiyədən və həmən kali cərəyonon ki,de islomi nomi iyən İslomə diniku xaricədə və bə İslomə praktikəku xaricədə və bə İslomə fiğhi və bə İslomə şəryəti xass nıbə və çe amerkə himoyə jiyədə bıə islom.əslə islom bə kitob iyən sınnəti əsose ki,de qıləy ruşinə fiki və de zəmon iyən məkoniku oşnoəti və elmiyyə hovzəonədə de rişəynə iyən təkmil kardə bıə elmi şivə və metodi istinbot beydə və bə dast omeydə...

Harco zılm bıbu dıqlə tərəf mevcude.zolım iyən məzlum.əmə çe məzlumi tərəfdorimon iyən de zolımi mıxolifimon.ım qıləy mevğıyyəte ki,İmomi(r) de ğətiyyəti ımış əncom doe iyən ım çe əsliyə xəttonku qıləyniye.ımruj həm bə həmonə dəlili xoto Fələstıni məsələ boəmə qıləy əsliyə məsələy.ımi bəpe həmmə kəson bızınon.Fələstıni məsələ çe İslomi Respublikə nizomi əsosə məsələon xəttiku xaric nibəbe.Fələstıni məsələ çe İslomi qıləy vocib iyən lozımə mıcohidəti ərsəy.hiç qıləy hodisə əməni çe Fələstıni məsələku co kardey əzıni.mumkine Fələstıni səhnədə mıəyyən odəmon bıbon ki,bəştə vəzifəon əməl nıkon çəvon hisob coye.əmmo Fələstıni mərdum,Fələstıni millət iyən Fələstınıjə mıcohidon çəmə himoyə jiyədən və əmə əvoni təsdığ kardedəmon...

İmom(r) ixtisodi nobərobərəti de şiddət iyən hiddəti rədd kardedəbe,əşrofqərəti iyən aristokratə jimoni de teləti rədd kardedəbe.həyğiyə mənoədə çe İmomi(r) kəlom be.mıstəzəf iyən məzlumonku tərəfdorəti ğasbu vey tikror bıə mətləbonku be ki,çəmə buzurquvorə İmomi(r) bəyonotonədə hestebe.ım çe İmomi(r) ruşinə xəttonku qıləyni be.ım çe İmomi(r) ğətiyə usul və prinsiponku qıləyni be.həmmə kəson bəpe cəhd bıkon ki, fəğrəti rəğ-rişə bıbırnon.həmmə kəson bəpe səy bıkon ki,məhrumon çe məhrumiyyətiku xaric bıkon və tosə kişfəri ğudrəti həddi bəpe bə məhrum iyən səfilon imdod bırosnon.çə tərəfiku bə kişfəri məsul şəxson çəşnavi doydəbe ki,çe ğəsr və villaonədə jimoni barədə-ın nuktə ki,Ğıronədə omə:”Və səkəntum.... və həmmə kəson çe ğəsr və villaonədə jimoni təbyətiku bərhəzər kardedəbe,dayima bımi təkid kardedəbe iyən hamyedəbe ki, bə zəyifə təbəğə bəfodorəti iyən loyaləti etımod bıkon.İmom(r)təkrorinə formədə bımi təkid kardedəbe ki,ın zəyifə təbəğəonin,ın fəğıronin,ın səfilonin ki,deştə qırd məhrumiyyəton bə ico ijən həm ın səhnəşon pur kardə,etıroz həm kardeənin iyən çe xətər və təhlukə məydononədə hozzı beydən.(əmmo) əkəson ki,zioyodə çiyonku bəhrəşon hestebe,ehyanə mıxtəlifə vıronədə qıləy problem bənav omeydəbe,təsodufən əvon veyə noroziyəti ibroz kardedəbin.çe miyonə təbəğə iyən mərdumi məhrumə təbəğəon ın bəfodorəti,İmomi(r) nəzəku qıləy barzə ko be və bımi təkid kardeəbe.bə beytulmoli dırıstə şikilədə məsrəfi təkid kardedəbe,bə isrofiku pərhiz kardey təkid kardedəbe.ın həm çe əsosə tətonku qıləyniye.