Əbədiyə ətr
Yolə Rəhbər təkid kardedə ki,Ğərbi fosidə dınyo piyəşone jeni buruzi və jeni şəxsiyyəti səhf iyən inhirofə metodonədə ki,de jeni cinsi təhğıri bə icoye,dezzu bə dınyo zehni daxil bıkon.
Ğərbi fosidə dınyo piyəşone jeni buruzi və jeni şəxsiyyəti səhf iyən inhirofə metodonədə ki,de jeni cinsi təhğıri bə icoye,dezzu bə dınyo zehni daxil bıkon:jen boştə şəxsiyyəti nışon doeyro,bəpe bo merdon xoş omero hərəkətkon.ım be bo qıləy jeni şəxsiyyət? bəpe hicob iyən iffəti bə kəno bınon,ıştəni bəvon nışon bıdon ta merdon çəvonku xoşışon booy.ım çe jeni təzime ya əvoni təhğır kardeye?.ım ğərb çe həmmə coku bexəbə beməxətiyədə məst bıə,çe sehyoniston daston təsiri jiyədə,ımi bənə jeni tərənnumi unvoni ğeyd kardedə.i dastə həm bovəşon karde.çe jeni əzəmət bımədə ni ki,əvon çe merdon çəşon və çəvon həvəsəon bəştə səmt cəlb bıkon.ım jeni təhğıre.çe jeni əzəmət bımədəy ki,əv deştə jenonə hicob,həyo iyən ifofi ki, Xıdovəndi çe jeni daxil və fıtrətədəş noə,əy xandi kardey bızıno.ımi de muminonə izzəti omuto.ımi de təklif iyən vəzifəon hiss kardey omuto.həmonə lətofəti çəy vırədə oko bıdo,həmonə çe imoni tijəti və bırniye çəy vırədə istifodə bıko.ım zərifə tərkib fəğət bə jenon məxsuse.ım zərifə lətofət iyən bırniye bə jenon ayide.ım qıləy imtiyoze ki,Mıtəolə-Xıdo bə jeniş doə.liza Kərimə-Ğıronədə bənə imoni misoli unvoni-nəyinki,bənə jeni imoni nımunə,çe həmmə bəşəri imoni nımunə.jenı-merd-dıqlə jeni misol jeydə:”Və zərəbəllahu....
Bo İlahi roziyəti cəlb kardə və muuminə şəxsi nımunə və çe Xıdovəndi dərqoyku tojniyə bıə və kofirə fərdi nımunə Kərimə-Ğıronədə jen bəhs bıə:ım qıləy dığğəti cəlbəkə çiye.Ğıroni qıləy zəmon piyəşe bo çok və bədə insoni qıləy nımunə zikr bıko,har dıqlə çe jnonku vıjniyedə:”Zərəbəllahu...Ğıron dıqlə jeni bənə”məsəli” unvoni yəni çe jenonku nımunə təğdım kardedə:Nuhi(ə) jimoni həmro iyən Luti(ə) jimoni həmro.peşo çımon mığobil noxtə:”Və Zərəbə Allahu...bənə çok,bənə barz iyən bənə muminə jeni simvoli unvoni,dı nəfəri təğdım kardedə:qıləyni çe Fironi jeni və coqləyni həm Həzrəte Məryəmi(ə):”Və Məryəməbnətə İmran...odəmi dığğəti cəlbəkə çi ıme ki,çın çok iyən bədə jenon har çoqləynibə xıyzoni muhiti ayide.çə həmonə bədə jenon barədə-İmrəətə Nuh....-Hamyedə:Kanəta təhtə əbdeyni..ım dıqlə jen bəştə jimoni həmroon ki,İlahi ali məğaminə pəyğombəron bin,xəyonətışon karde.məsələ çe xıyzoni məsələy.çə həmonə dılqə jeni mevzu həm bə aylə və xıyzoni ayid məsələy:sıftənə qılə ki,çe fironi jene,çəy erj iyən əhəmiyyət ıme ki,qıləy Ulul-Əzm pəyğombəri,Mosə KəLimullah ıştə vanqo iyən ağuşədə perosneydə və bəy imon vardedə və bəy koməq kardedə.lizafiron çəyku intiğom seydə. məsələ çe xıyzoni daxili məsələy,de ın dıjdə təsir iyən şuo,əy qıləy koş karde ki,qıləy Mosəş tərbiyə doe,perosneşe.Həzrəte Məryəmi(ə)həxədə həm həmonə formədəy:”Əlləti...ıştə nomusi nığo doydəbe,ıştə iffəti xandi kardedəbe.ım məsələ ımi nışon doydə ki,Həzrəte Məryəmi(ə) jimoni muhitədə amilon mevcud be ki,çe qıləy iffətinə jeni nomus iyən həyo təhdid kardey əzıni və əmmo əv mıborizə bardeyış zıne....
