Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) bın mevzu bardə jıqo hamyedə:Xıdovəndi nəzdədə məzlum bey çe zolım beysə vey çoke.ə həzrət çe Kufə şəhri yolə məçitədə bıə ıştə sıxanonku qıləyniyədə bə zılm kardeyku pərhizi təkid kardə holədə hamyəşe:Bə Xıdo ğəssəm ehyanə şəvi tosə sıbi çe biyoboni teğonsə bımandom ya bəsə zəminisə bəmı qıləy zəncir bıjənon,çımı nəzdədə vey çoke ki,ğıyoməti ruji de Xıdo iyən deçəy rəsuli qıləy holədə vindemon bıkom ki,bə kali bandəon sıtəm bıkom ya çe dınyo be erjə çiyonku boştə ğəsb bıkom...Bə Xıdo ğəssəm əqər haft qılə iğlimi deçəvon fələkon jiyədə bıə qırd çiyon bə ico bəmı bıdon ta de qıləy mujnə qəviku çe cəvi pusti sey, hiçvaxti bə Xıdo fərmoni ələyh nibebəşem”.
Bəzi rəvoyətonədə omə ki,Əmirəl-Muminin Həzrət İmom Əli(ə) Nəhcul-Bəloğə 166-ə hikmətədə bə çəyku çe imoməti həxədə ıştə həxı bə dumo nıstəney həxədə bıə sıvoli cəvobədə jıqoş hamyə:”La yuabu..Bo insoni ayb ni çəy həx bə təxır eqıno.ayb ıme ki,çəy həx nıbə çi bıqəto”.ın cumlə de oşko formə nışon doydə ki,həxə tələbədə təxır kardey ıştən-boştə mızəmmət bıənin ni,bəlkəm həyğiyə məsələ bə insofi təkyə kardey iyən bə cokəson zılm nıkardeye.
Həlbəttə şək ni ki,de bə Kərimə-Ğıroni ayəon iyən Ğədiri rujədə bə Həzrət Əli(ə) xilofəti əsos bıə Xıdo-Rəsuli(s) ğətiyyətinə sıxanon rəğmən ki,ə həzrəti İmom Əli(ə) bilofəsl çe pəyğombəri(s)canişin be və bın tələbon həxədə təxır,həyğətədə çe İmomi(ə) tərəfiku nıbe,bəlkəm çe mərdumiku be ki,bə İlahi hukmon iyən bə Xıdo-Rəsuli(s) fərmoni nisbətədə səhlənkoətişon karde.
liza ehyanə ıştə həxı bə dumo seyədə təxiri de cokəson həxı bə dast sey mığoyisəkəmon,iminə qıləyni bəsə dıminə qıləynisə bıə tərcih və barzəti komilə surətədə ruşine,zira bə cokəson həxon təcovuz kardey,harçand noçiz həm bıbu və kam həm bıbu,hejo ğətiyə qınoye iyən bə mızəmməti loyığe iyən qətənine.qıləy holədə ki,həxı seyədə təxır qıləy çi ni ki,bənə qıləy aybi unvoni bo insoni nəzədə qətey bıbu.
