Nəhcul-Bəlağə pand iyən hikməton
Nəhcul-Bəlağə pand iyən hikməton
Bın zəminədə Əmirəl-Muminin Həzrət İmom Əliku(ə) Nəhcul-Bəloğədə qıləy sıxanımon heste ki,ğasbu çəməku ziyodə şəxson bəy qıləy dığğətışon kardəni.Ə Həzrət 176-ə hikmətədə jıqo hamyedə:”Ələcabu yəmnəul əzdiyad-xudpəsəndəti bə ruşd iyən ozavziye mane beydə”.
Ğasbu həm boşmə vey cozibənin bıbu ki,bızınən ımrujnə dınyoədə ki,həmmə kəson çe navşemon iyən mıvəffəğətiyon dumon, xudpəsəndəti iyən ıştəni barz qətey,nəyinki,əməni çe inkişofiku oqəteydə,bəlkəm bəçəmə jimonədə bıə omeutey iyən navşemoni mane həm beydə.
Ə fərdon ki,bə xudpəsəndəti iyən yoləşəxəti dıço bıən,adətən ıştəni bəsə cokəsonsə barz qəteydən iyən jıqo təsəvvır kardedə ki,co kəson bəvon qıləy çi omuteyro hiççişon ni.həmonə nəzə boyis beydə ki,əvon bə de cokəson məşvərəti kamə meylışon bıbu və əvon ətrofədə bıə kəsonku kamə koməqon ğəbul kardedən.iyoe ki,muşkil və problemon bino beydə.çıro ki,hiç qıləy inson de cokəson həmfik nıbə holədə ruşd kardey iyən ozavziyey əzıni.jimon qıləy cərəyone ki,bəpe de iyande həyo hərəkət bıkəmon iyən çe iyande təcrubəonku qıləy bəhrə bıbəmon.
Xudpəsəndəti həyğətədə i nev təvəhhum iyən illuziyay.xudpəsəndə inson çe jimoni həyğəton vindey əvəzi,ıştəni çe xəyol iyən təsəvvıron dınyoədə qim kardedə.ın fərdon ıştəni benoxson iyən beayb zıneydən və çunki,hiçvaxti deştə məşğul beydənin,əve ıştədə qıləy əsosə əvəzon icod kardey zıneydənin.çımi nətəcə həm ım beydə ki,har ruj bə ziyodə zəyfəti yən suğuti qırdəovi dılə eqıneydən.həyğətədə,xudpəsəndəti i nev çe insoni ıştən xəbə nıbə holədə bəçəy məhfəti koməq kardedə.
Muhimmə nuktə ıme ki,xudpəsəndəti bo insonon ro dəqıjniyero çe şəytoni avjoronku qıləyniye.əv de fərdon dılonədə məğrurəti,təkəbbır iyən yoləşəxəti icod kardey,nəyinki,əvoni çe ruşd iyən bə Xıdo nez bey royku bə diyəro kardedə,bəlkəm qıləy ko kardedə ki,fərd boçəy islohiro cəhdi əvəzi,deştə nodırıstə bəhonəon məşğul beydə və ım bəçəy bə veyə suğut iyən tənəzzuli boyis bey bəzıne.
Xudpəsəndəti mığobilədə təvozu ğərolış qətə ki,bə xudpəsəndəti əks çe təkomul iyən ozavziye bəon bə insoni dimi oj kardey bəzıne.təvozu,sodəti iyən aybon ğəbul kardey bə kəmol iyən ruşdi səmt bıə qıləy hərəkəte.qıləy fərd ki,ıştəni bəsə cokəsonsə yol hisob nıko,bəştə iyən bəştə ətrofədə bıə dınyo de qıləy ojə çəşi nəzə kardey və çe har qıləy fırsətiku bo omutey iyən ıştəni isloh kardero istifodə kardey bəzıne.
Xıdo-Rəsuli(s)bə Əmirəl-Muminin Həzrət İmom Əli(ə)kardə vəsyətonku qıləyni jıqoe:”Ya Əliyu səlasun...Ha Əli ha!seqlə çiye ki,insoni həlok kardedə.pəxıləti ki,fərdi muti kardedə,qıləy həvəs ki, bəy itoət kardey bıbu iyən xudpəsəndəti.ın hədis bəçəmə yod vardedə ki,çe məğrurəti iyən yoləşəxətiku bə diyəro bımandəmon iyən hejo de təvozi çe ruşd iyən kəmoli royədə qəm peqətəmon.
