Vəhdəti haftə Şiə iyən Sınni alimon səmimonə məclis

Vəhdəti haftə Şiə iyən Sınni alimon səmimonə məclis de ostani vəli fəğih nımoyəndə Rəşt şəhrədə bəpo be

Qiloniku bə tele rədiyə xəbəriyə mərkəzi raporti əsos ostanədə vəli fəğih nımuyəndə ın iclosədə bə İslomiyə ictimayət və həmdıləti və vəhdəti əhəmiyyət işarəş ka və votışe:

Mıslımonon vəhdət dəşmenon xəyli hiləon miyonəku bəbarde.

Ayətullah Fəlahəti bəyonş ka inki,S;nni və Şiəyon bəpe bə ıştə mıştərəkə çion peştpur bıbon və ixtılofiku bə doəro bımandon.

Əv votışe: emperiyalizmi vədə mandə ro və çəvon dasti İslomiyə kişvəronku koto karde vəhdəte.

İnə izahş ka Qilonədə Şiyə və Sınnon vəhdət misal jənine və bo kişvəri co qılə məntəğonyo olqoy.

Ostandar həm kişvəri inkişafədə bə həmdıləti və həmrayəti rul işarəş ka və votışe:

İroni Sınni və Şiyəon İnğilob və nizomiyo səbarzətiyo mıştərəkə hədəfonışon heste.