Ostorədə ditəsərrufati məhsulon festival bərpo bəbe
Ostoro şəhristani Ləvəndəvil şəhri bəxşdar de ser mehvəriyət ditəsərrufati məhsulon festivali bərpo bıeku xəbəş do
Tohid Kərəmzodə Ləvəndəvili bəxşdariədə ditəsərrufati məhsulon festivali həmohənqəti iclosədə votışe:
In festival bə İroni təğvimi əsos aban manqi oxonə rujinədə bərpo bəbe və fermeron pozə fəsli istehsol kardə məhsulon min cumlə kivi, xurmalo ya xımo və ser məhsulon oşno kardeyo şərayit icod bəbe.
Əv əlovəş ka seri rıb ki, Ostor bumiyə xorəkon pateyo istifadə bedə çəy hozzı kardə mərhələon ın festivali ğolibədə nışon doəbəbe.
Purdel Əmiri Nejad Ostoro turizm və dasti sənaye fərhənqiyə irsi idorə rəis həm votışe:
In festivaldə musiği, bumiyə hənəkon icra bəbe və bə Laton bıə nomo ovşuri roədə Kotəkomə di muvğeyəti diğğət doeədə ın təbiyyə cazibə ve oşno bəbe.
