Dınyo qırd ozodi piyə milləton Sərdor Suleymani intiğomi tələb kardedən

Masal Tolışə şəhri cımə İmom votışe Yolə Rəhbəri Sərdor Suleymaniş de Beynəlxəlğ sima nimi elan kardey votışone ın yəni nə inki, İroni millət bəlkəm dınyo qırd ozodi piyə milləton Sərdor Suleymani intiğomi tələb kardedən

Masaliku bə Fars xəbəriyə mərkəzi raporti əsos Huccətulİslam Seyd Hadi Musəvi ın haftə cımə nımoji xutbəonədə bə Sərdor Suleymani şəhodəti işarə kardey votışe:

Həmə ozodi piyə milləton de ın xəbə məsey ıştə ixtiyorışon dasto do və Sərdor Suleymani cinayət ın be ki, ıştəş İslom iyən diniyo fidoş ka.

Əv bəyonış ka inki, Şəhid Sərdor Suleymani ro dəvomış heste əlovəş ka:

Əqər Amerkəvıjon fik kardən ki, de Sərdor Suleymani və Suleymanion bə şəhodtə rosney bəznen qıləy ko karde, ne nibəznen.  məxsusə qıləy hadisə təşkil bə ni ki, Amerkəvıjə senatoron miyono İroni xışm iyən tarsiku ixtılof eqniyəy.