204 nəfər bədholə Korona noxəş çı Qiloni noxəşxonəon məxsus oqətə vırəonədən.
Sep 05, 2021 05:10 Asia/Tehran
Qiloni tib elmon universiti sıxanəvot votışe: 1 həzo 232 nəfər Korona noxəş çı Qiloni noxəşxonəonədə oloxtoniyəşone.
Bə İRİB raporti əsos, Qiloni tib elmon universiti sıxanəvot ımruj de ın xəbə elani əlovəş karde: dəvardə 24 saəti mıddətədə 138 nəfər noxəş bə ın miğdor izofə bıə.
Doktor Fərdin Mehrabiyan həmçenin işarəş karde ki dəvardə 24 saəti mıddətədə 204 nəfər Korona noxəşi bə noxəşxonəon reanimasiya baxşi bardəşone.
Əv Qilonədə bıə Korona virusi noxəşon kam bey prosesiku xəbəş do iyən votışe: sodə qəte adət, həmçenin səhiyyəvi protokolon rioyət nıkarde, çı Koronavirusi pandemik şəroyeti şiddətin bey muhimmə amilonin.