Bo Qilonija fermeron jimoni vəziyəti çok beyro ditəsərrufat məhsulon 2 minə kaştemon.
Qiloni ditəsərrufat cihod idorə kaştemoni mudir votışe: çı Qiloni 135 həzo hektar bicoronədə ditəsərrufat məhsulon 2 minə kaştemon bino bıə.
Bə Qiloni Teleradio aqentiyəti raporti əsos, İbrohim Əkbərzodə zinə şəv Qiloni xəbə məxsus votımonədə votışe: Qilonədə 238 həzo hektar ditəsərrufat zəmin mevcude ki çəvonku 135 həzo hektariku vey zəminonədə bə 2 minə kaştemon xususi bə raton perosniye ixtisos doə bəy.
Əv əlovəş karde: ğərəz raton, ım zəminonədə muxtəlif donəon, bo çolınqon aləf, tərəvəz, kolza ruyənə donə ijən co beməyon həm bo kaşteyro hozzı bıdə.
Əkbərzodə əlovəş karde: dəvardə sor fermeron de 2 minə kaştemoni 3 həzo 700 milyard tımən bəromə kəsbışon kardə.
Qilonədə de kaştemon fəsli oxo həmzəmon, bicoron bo co məhsulon kaşteyro hozzı bıdə.
