İroni şimol məntəğə çayəvonon tələbonku co baxşi doəşone.

Imruj İroni şimol məntəğə çayəvonon tələbiku 39 milyard tımən doşone.

Bə İRİB raporti əsos İroni çay idorə yol votışe: ımruj çayəvonon tələbiku 39 milyard tıməni domone ki de ım puli doe cəmədə 578 milyard tımən pul doə bəy.

Həbib Cəhansaz əlovəş kardə: məhsuli qırdə kardey fəsli əvvəliku tosə bə ısət 122 həzo ton çay havzə liva de 695 milyard tıməm erji Qilon və Mazəndəroni çayəvononku hıryə bəy.

Əv de işorə bə dıvləti səhmi 100 faizi puli doe tosə şəhrivərə manqi 15 votışe: çayəvonon co tələbonku fabrikaon səhme ki vəomey rujonədə qədə qədə bə çəvon hisobi ekarde bəbe.