Qiloni Sepah təşkilati fərmondə bə İroni şimol-ğərb sərhəddi osəş ğande.

Qiloni Sepah təşkilati fərmondə de bə İroni şimol-ğərb sərhəddi osə ğande vositə məntəğə oxonə şəroit iyən ın təşkilati koonku xəbədo be.

Bə Mehr aqentiyəti raporti əsos, Qeneral Muhəmməd Əbdoullahpur həminə vindemonədə bə İroni mığəddəsə nizomiku himoyədorəti kardey həmmə behrononədə Qilon ostani canqəkəyon iştiroki işarə və izhorış karde: muğaddəsə mudafiyə zəmon və mıddəti əvvəliku Qiloni canqəkəyon de botıli vədə bıə həxi cəhbədə dıştə iştiroki iyən de pokə xuni təğdim karde, hətto i vəcəb çı İroni sərzəmini co bey icozə nıdoşone ki ostanədə 8 həzo şəhidi vucud ın həğiğəti subut kardə.

Əv Qiloni sepah təşkilati ləşkərış ın ostani fəxronku qıləyni bə hisob varde və votışe: ın ləşkər və çəy ğıvvon İron və Qiloni fəxri bois bıən iyən muğəddəsə mudafiyə və co zəmononədə ostani tərəfo anədə şəhidon bə İroni nizomi təğdim kardə ım həğiğəti nışo doydə ki Qiloni cıvonon vey bə İroni İnğilobi bəfodorin.

Qiloni Sepah təşkilati fərmondə Qeneral Muhəmməd Əbdoullahpur İroni şimol-ğərb sərhəddədə ın təşkilati vəziyət və koonış çok zınəş be və bəyonış karde: İron İslon Respublika miyonə şərğədə bıə əmnə kişvəronku qıləyniye çumçiku istikbor həmmişə İroni sərhəddonədə behron icod karde fikədəy ki ısət şimol-ğərb sərhəddədə Qiloni Sepah təşkilati ğıvvon hozzıəti və fəaliyəton vey muhim və təsirin bəbe.