314 milyon dollariku vey muxtəlif ğeyri nat əmtəə Qiloniku ixrac bıə
Qiloni sənaye, məədən və ticorət təşkilati rəis votışe: ımsornə sori əvvəliku tosə bə ısət, 502 həzo 32 ton muxtəlif məhsulon bə 315 milyon dollar nezi erj, ostani qumrukiku bə hamsuyə kişvəron sadir bıə ki vəzni cəhəto 12 iyən erji cəhəto 20 faiz inkişof və əlovə bey nışo doydə.
Bə İrna raporti əsos, Fərhad Dəlğpuş Ostoroədə bıə Qiloni iğtisodi kamissiya iclosədə bə ın şəhri portiku Qiloni ticorəti 85 faizi əncom bey işorə və təkidış karde: 4 sor bənav Qiloniku ğeyri nat ixracati miğdor 114 milyon dollar be ki anədə mıvcud sanksiya və Koronavirusi nəticəku bıə mışkilaton jintonədə ın miğdor 6 bərobər bıə iyən bə 664 milyon dollar rəsə.
Qiloni sənaye, məədən və ticorət təşkilati rəis izofəş karde: çəmə hədəf ıme ki Qiloniku sadiroti miğdori bə 720 milyon dollar bırosnəmon.
Fərhad Dəlğpuş Qiloni xarıci ticarət reytinqi rost karde sahədə bə Ostoro port iyən qomroki rol və vırə işorəş karde iyən bə ın sərhəd şəhri problemon həlli xısusi ticorət inkişofi barədə koon həlli təkidış karde.