İroni saheli futbol milli kamandaədə Qilonıjə futboliston dəvəşe.
İroni saheli futbol milli kamandaədə 4 qılə Qilonıjə futboliston iştirok ijən çın ostani varzışkoron ğabeliyəti nışoş do.
Tojədən iyən dınyo ğitəon miyono saheli futbol milli kamanda çempionatədə İroni kamanda 2 minnə vırəş kəsb karde.
Həminə kamandaədə Qiloniku 4 qılə futbolist ıştirokışon be.
Bə Tolışi rədio raporti əsos, Qiloni futbol heyəti rəis, Ğurbanəli Əlmasxalə həminə muvəffəğiyəti barədə Qilonış çı İroni saheli futboli mərkəz bə hisobış varde və votışe: İronədə saheli futboli təsisəkə Qilon be və ın ostaniku merd və jenə hənəkçion və mırəbbion ısət İroni muxtəlif kamandaonədə uzvin.
Əv əlovəş karde: bə həminə emtiyoz iyən ğabeliyəti əsos, ısət vey kamandaon ıştə təlim məşği Qilon ostanədə bərpo kardən.
Ğeyd kardənine ki sıvoy kapitan Muhəmməd Əhmədzodə, Həsən Əbdullahi, Muhsen Nəsrullazodə iyən Muvəhhid Muhəmmədpur həm İroni saheli futbolədə uzvin.
