Qiloni ostandor bə Masal səfərış karde.
Qiloni ostandor bə Masal səfər karde cərəyonədə çu toşe milli diku diyəş karde.
Bə İrib raporti əsos, Qiloni ostandor Əsədullah Əbbosi, Şalma nomo çu toşe milli diku diyə kardey cərəyonədə bə çand qılə fabrika iyən istehsol mərkəzon həm osəş ğande və nezico de ın baxşonədə bıə koon və problemon oşno be.
Əv bə Masal səfəri cərəyonədə ın şəhri şəhidon ğəvıstonədə bə Tolışə şəhidon ehtırom noey bəpeşt Şanderməni Uləm diədə qıləy tojə roy bə istismor rosniyey mərosimədə iştirok və de divujon votımonış karde.
Əv peşo çı Masal tolışə milləti muşkilaton təğib kardeyro ın şəhri cumə nımujədə həm iştirokış kardə.
Şalma nomo bıə di çı Masali cənub ğərbiku 12 kilometr fasiləş bəbe ki çəy 400 nəfər cəmiyətiku 200 nəfər bə çu toşe ko iyən fəaliyəti məşğulin.
Təğribən 1 sor bəbe ki de İroni turizm, dasti sənaye və mədəniyət irson vəzorətxonə təsdiği Masali ın turistikə di bənə milli çu toşe di ğeyd bıə.
