89 faiz çı Qiloni əholi Koronavirusi vədə vaksinasiya bıən.
Tosə bə ısət 1 milyono 996 həzo nəfəriku vey çı Qiloni millət Koronavirusi vədə vaksinasiya bıən.
Bə İrib raporti əsos, Qiloni səhiyyə idorə sıxanəvot votışe: Korona vaksinasiyaədə Gilon çı İroni vey muvəffəğə ostane iyən tosə bə ısət təğribən 89 faiz çı Qiloni şahrvandonku təin bıə odəmon, əcumlə səhiyyə kadron, veteranon, piyə odəmon, xususi noxəşon, tələbəon, şoqirdon və təşkilatonədə ko kardə kəson Korona peyvəndi jəşone.
Doktor Fərdin Mehrobiyan həmçenin, Qilonədə Korona peyvəndi 2 minnə doza jə kəsonış 594 həzo 101 nəfər bəyon kardə ki bə statstikaon əsos çı ostani 71 faiz cəmiyəti şomil bıdə.
Əv votışe: Qiloni şoqironku həm 187 həzo 632 nəfər təğribən 100 faiz Korona peyvəndi jəşone.
Qilon ostani 306 qılə mərkəzədə Korona peyvəndi jəe imkan heste.
