Qilonədə Koronavirusi vəziyət tikəy stabil bıə.
Qiloni noxəşxonəonədə Koronavirusi vəziyət təğribən stabil mandə.
Bə İRİB raporti əsos dəvardə 24 saəti mıddətədə 69 nəfər Koronavirusi noxəş bə Qiloni nəxəşxonəon izofə bıə.
Qiloni tib elmon universiti sıxənəvot bə Qilonədə Koronavirusi şərayeti stabil mandey işorəş karde iyən votışe: ostani noxəşxonəonədə bıə koronavirusi noxəşon miğdor bə 268 nəfər rəsə.
Doktor Fərdin Mehrabiyan Qilon ostanədə 90 faiz anti Korona vaksinasiyaku xəbəş do və noxəşon oxonə statestika barədə bayonış karde: tojədən 8 nəfər korona noxəşi bə reanimasiya baxşi bardəşone iyən 64 nəfər Korona mıbtəlo bıə bədholə noxəşi həm Qiloni noxəşxonəon xususi oqətə vırəonədə oloxtoniyəşone.
Qiloni tib elmon universiti sıxənəvot ijən işorəş karde ki virusi tələfoti kam kardey yeqanə roy vaksinasiyae, çən ostanədə mərkəzon bo ın ko nəzər dəqətə bəy ki şahrvandon bəpe bo Korona təhdidon məhv kardeyro həm səhiyəvi protokolon ciddi rioyət kon və həm vaksin bıjənon.
