Qiloni qomrukonku ğeyri nat əmtəə ixracat 35 faiz ziyod be.
Imsornə sori əvvəliku tosə bə ısət Qiloni qomrukonku ğeyri nat məhsulon ixracat 35 faiz ziyod bıə.
Bə Qiloni Tele-Rədio raporti əsos, Qiloni qomruk idorə nazir ın xəbə elanış karde və votışe: ımsornə sori əvvəliku tosə bə ısət 704 həzo 119 ton muxtəlif ğeyri nat əmtəə əcumlə məədəni, kimyavi, plastik və xorək məhsulon Qilon ostani qomrukonku bə hamsoyə kişvəron sadir bıə.
Əbulğasim Yusufinejad həminə ixracati erji 412 milyono 461 həzo 636 dollar bəyonış karde.
Əv təkidış karde ki dəvardə sori muğaisədə həminə miğdor ixracat, erji cəhəto 35 iyən vəzni cəhəto 11 faiz inkişof iyən əlovə beyku hikoyət kardeydə.
Qiloni qomruk idorə nazir votışe: ostani qomrukonku ın miğdor əmtəə bə Rusiyə, Azərbaycan Respublika, Ğəzaxiston, Qırciston, Əfğaniston, Ukrayn, Tırkəməniston iyən Blarus sadir bıə.
