Qilonədə bıə nat iyən qazi çoləonədə fəaliyəti əhəmmiyət.

Qiloni kəşf bıə nat iyən qazi çoləonədə fəaliyəti əhəmmiyəti barədə muzakirəon ciddi surəti dəvom kardeydə.

Bə Tolışi Rədio raporti əsos, Qiloni ostandar de ın xəbə elani votışe: Ostanədə kəşf bıə nat iyən qaz çoləon fəlaliyəti rəsmən bino bey, ın ostani milləti muhimmə tələbonin ki əmə de zumandəti əy təğib kardeydəmon.

Əsədullah Əbbosi əlovəş karde: koon bə vırə rosniyeyro çı ostandori obdonəkə muaviniku tələb kardəme ki ostani milləti ın urzu rə iyən həğiğətən əməli bıbu.

Əv ki de Kaspi Nat Şirkəti yol vindemon karde holədə be təkidış karde ki de diğğət bə şimol məntəğə nat və qaz ehtiyatonku istifodə kardey barədə İroni tojə dıvləti nəzəron, Qilonıjon çokə nəticəon çəş kardən.

Ğeyd kəmon ki İroni şimol məntəğə xususi Kaspi dıyoədə nat və qaz çoləon peydo bey bəpeşt ısət ın məydononku çoknə vəşemoni xaric kardey barədə təhğiğon dəvom kardeydə.

Zinə ruji vindemonədə Kaspi Nat Şirkəti rəis çı Qiloni ostandariku ğədrdonəti kardey kənoədə təkidış karde ki de cihodi mudiriyəti vositə rə Qilonıjon ıştə ostanədə nat və qazi bekarde şoyd bəben.

100 milyad barel nat iyən 12 kubmetr qaz ehtiyaton çı Kaspi dıyo vəşemon çoləonədəy, ın məntəğə çı dınyo nat və qazi ehtiyaton 3 minnə vırəy.