Kaspi dıyoku moy qəte 48 faiz ziyod bıə.

Səyyodəti fəsli əvvəliku tosə bə ısət, Qilonıjə moyəvonon de moy qəte vositə 50 milyard tımən bəromə kəsb kardəşone.

Bə İrib raporti əsos, Qiloni moyəvonon idarə muavin votışe: Səyyodəti fəsli mıddətədə Qilonıjə moyəvonon 487 həzo ton muxtəlif moy de 50 milyard tımən erji qətəşone.

Məsud Nikpur de ın xəbə elani əlovəş karde: statestikaon nışo doydə ki dəvardə sori muğaisədə Kaspi dıyoku moy qəte 48 faiz ziyod bıə.

Əv votışe: proqonoz bıdə ki əqə həvosət çok bıbu tosə sori oxo Kaspi dıyoku moy qəte ijən ziyod bıbu.

Sıpi, Kəfol, Sim iyən Suf əcumlə çı Kaspi dıyo moyonku bə hisob omeydə ki ımsornə səyyodəti fəslədə həm Qiloni səyyodon bə əvoni qəte məşğulin.

Kaspi dıyoədə moyqəte və səyyodəti fəsl, har sor Mehr manqi 20 minnə rujiku bino bıdə və tosə omə sori Fərvərdini 15 dəvom kardeydə.