Ko ofəyero 226 milyord tımən kredit bə Qiloni fermeron doə bəy.

Xosə tolışon, ditəsərrufat baxşədə fəoliyət karde Qilon ostanədə vey rəvocine iyən har sor vey ailəon de ın sahədə ko kardey vositə ıştə jimoni quzəroni dəvonedən.

Tojədən xəbə omə ki sori əvvəliku tosə bə ısət 1548 nəfər çı Qiloni fermeron bəştə ditəsərrufat fəoliyəti rovnəğ doero ko ofəye krediton peqətəşone.

Qiloni Tele-Rədio saytiku jığo xəbə rəsə ki ostani ditəsərrufat idorə iğtisodi plan iyən koon muavin izhorış kardə ki həminə maliyə koməkon veyni mol-mələ, kijə, moyəvonəti, ov ərosnə planon, kədə fəoliyəton iyən ditəsərrufat təchizoton hıryeyro istifodə bıə.

Bəhmən əlizodə votışe: krediton faiz kame iyən çəy miğdor tosə bə ısət bə 226 milyord tımən rəseydə.

Xoşə xəbə ıme ki diədə fəoliyətonku himoyədorəti çərçivədə, bə Qiloni fermeron kredit doe ijən dəvom kardeydə və hiç məhdudiyətış ni.