Qemej çı Qiloni 50 hektor vişəon vəş qəte bois bıə.

Dəvardə rujonədə Şiddətinə qamə vo bə Qiloni vey təsisaton qıvoninə zərəl-ziyoni varidış karde.

Maşinon səpe doon və ruşnə pojəon eqınyeku bəkəno, çandə kəoon və bəzi istehsol təsisoton həm xərobə bıən ki çı tojə qemeji şiddəti əlomətdor be.

Masal Tolışə şəhrədə həm ruşnə çand saət ğət be.

Əmmo vey norohətəkə xəbə qemeji nəticədə vişəon vəş qəte be.

Bə Qiloni Tele-Rədio saytədə muntəşir bıə xəbə əsos, dəvardə rujonədə şiddətinə vo ın ostani 50 hektor hirkani vişəon otəş qəte bois bıə.

Bə ostani behron mudiriyətəkə idorə raporti əsos, çı Siyahkəl, Rudbar, Lahicon, Şəft, Rəşt, Fumən və Tolışi vişəonədə otəş ijən dəvon kardeydə.

Jığo vote bıdə ki zinə ruji qemeji surəət jəğo be ki har saət 90 kilometr şedə be.

Qiloni Meterologiya idorə raportış doə ki ostani muxtəlif məntəğəonədə ımruj həm qemej dəvom kardeydə.