Yolə Peyğəmbər(s)-17 nomo SEPAH mıştərəkə hərbi təlimədə tojə təchizotonku istifodə bıə.

Xosə Tolışon, jəğo ki İroni Yolə Rəhbər Həzrət Ayətullah Xamenei vey kərə bəyonış kardə, İroni hərbi ğudrət iyən mudafiyə ğabeliyət hiç kişvəriro təhdid ni.

Bə hərbi mərkəzon iyən siyasi eksperton votəyon əsos, İron çı dıno hərbi ğudrəti soyb bıə kişvəre, xususi rəket baxşədə.

Xəbə omə ki zinə iyən Yolə Peyğəmbər(s)-17 nomo SEPAH mıştərəkə hətbi təlimi cərəyonədə çı İroni tojə kuruz dəğiğə rəketon de muvəffəğiyəti imtivon bıə iyən dronon hərbi əməliyot həm əncom be.

İroni sepah təşkiloti dıyo ğıvvon fərmondə qeneral Əlirıza Tənqsiri çı manevri ın mərhələ barədə votışe: dıyoku bə dıyo, dıyoku bə sahil iyən sahiliku bə dıyo tərəf ğandə rəketon, çı anteniyaku məxfi bey holədə təin bıə hədəfi məhv kardən.

Bəpe işorəkəmon ki Yolə Peyğəmbər(s)-17 nomo SEPAH mıştərəkə hərbi təlim 2 şambə rujiku Fars dıyo, Hormuz tanqə və İroni cənubədə bıə Hormuzqan, Buşehr və Xuzestani sahilonədə de İroni Sepah təşkiloti zəmini, dıyo və avyasiya ğıvvon iştiroki bino be.

İroni hərbion de həminə manevri vositə ıştə komilə hozzıətişon bə dınyo və İroni nizomi dışmenon nışo dodən.