Şəhid Hac Ğasim Suleymani şəhodəti 2minnə sorəqardışədə ərzağ pəketon baxş karde.

Əzizə Tolışon, kişvərədə bə dılon sərdori yodi yol qətey xoto və şəhid Hac Ğasim Suleymani şəhodəti 2minnə sorəqardışi astanədə, ərzağ pəketon ehtiyocinə şəxson miyono baxş bəbe.

Bə Sepah təşkiloti sıxənəvoti sıhbəton əsos, İronədə bə dılon sərdori şəhodəti 2minnə sorəqardışi mınosibəti xoto 2 milyon ərzağ pəketon baxş bəbe.

Bə Qiloni Tele-Rədio aqentiyəti raporti əsos Lənqerudədə bıə Sepah təşkiloti Mirzokuçək xususi ğıvvon 1269 qılə şəhidon mərosimi kənoədə, Qeneral Rəmezan Şərif votışe: muvasat tojə planədə, Sepah təşkilot bə dılon sərdori yodi xoto, 1 milyon ərzağ pəketon ki har qılə çəvon erj 500 həzo tımən bəbe, bə İroni ostanon ixtisos bədoy.

Rəmezan Şərif ijən votışe: ostanon həm 1 milyon ərzağ pəketi de 450 həzo tımən erji, hozzo kardışone ki de şəhid Hac Ğasim Suleymani sorəqardışi həmzəman ehtiyocinə şəxson miyono təğsim bəkan.

Ğeyd kəmon ki Sepah təşkiloti sıxənəvot de işorə bə ım ki həminə ərzağ pəketon de diğğət bə har ostani cəmiyəti və ehtiyocinə miğdor təyin bıə, votışe: ım pəketon de sepah Locestik baxşi vositə bə kişvəri həmməy ostanon, vığandə bəbe.

Omə haftə Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani şəhodəti 2 minnə sorəqardışe.

İroni Sepahe Ğuds təşkiloti fərmondə, qeneral Ğasim Suleymani 2sor çimi bənav de İraği rəsmi şəxson dəvəti bə ım məmləkət səfərış kardə be ki, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi bə şəhodət rəsə.