Sərdor Suleymani məntəğədə sulhiro cəhd kardışe.
Şəhid Ğasım Suleymani terrorizm iyən radikalizmi hevujəti vədə vey səyo cəhd kardışe.
Xosə həmzıvonon, Avropa ibemonədə bıə İroni nımoyəndə, ıştə Twitteri səhifədə şəhid Ğasım Suleymani filmi muntəşir kardey kənoədə, nıvıştışe: həmmə dınyo bə ım filmi vindey dəvət kardedəmon ki çəmə səforətxonədə bə şəhid hac Ğasım Suleymani şəhodəti 2minnə sorəqardışi yol qətey xoto, soxtə bıə.
Əv ın mesaji dəvomədə nıvıştışe, ım yolə ğəhrəman məntəğədə bo sulhi bərğəror kardeyro səyo cəhd və terrorizm iyən radikalizmi hevujəti vədə de zumandəti muğavimət kardışe.
Həmçınin, xəbə rəsə ki Avropa parlamenti nımoyəndə həm tojədən votışe: hıç kəs bənə Qeneral Suleymani bo DAEŞ-i məğlub kardeyro səyo cəhd nıkardışe.
Avropa parlamentədə bıə İrlandiya nımoyəndə Mik Valas, Avropa ibemonədə İroni nımoyəndə Twitteri mesaj reaksiyaədə, şəhid hac Ğasım Suleymani şəhodəti astanədə nıvıştışe: qıləy holədə ki DAEŞ və cihodi qurupon icod və bəvon siloh hozzo kardeyədə, Amerkə və çəy mıttəfiğon vey məsulin, əmmo hıç kəs İrağədə bo DAEŞ-i məğlub kardeyro bənə qeneral Ğasım Suleymani səyo cəhd nıkardışe.
Vaxti şəhid Ğasım Suleymani de Amerkə vositə kıştə bey boçi beynəl xalğə ictimaiyəti məhkumiyəti nıvindemone?
Omə haftə Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani şəhodəti 2 minnə sorəqardışe.
İroni Sepahe Ğuds təşkiloti fərmondə, qeneral Ğasim Suleymani 2sor çimi bənav de İraği rəsmi şəxson dəvəti bə ım məmləkət səfərış kardə be ki, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi bə şəhodət rəsə.
