Qiloni həmməy şəhronədə bəsirət ruji məxsusə mərosimon.
Zinə Dey manqi 9 minnə ruj be, İroni təğvim ədəd Deymanqi 9 bəsirət iyən de inğilobi prinsipon və Lideri əhd-peymoni ijən tojə karde milliyə ruj ğeyd bıə.
Bə həminə mınosibəti xoto, zinə və de İroni muxtəlif şəhron həmzəman Qilonədə həm Dey manqi 9 minnə ruji məxsusə mərosimon de bə İroni nizom və viloyəti aşiğon əzəmətinə iştiroki bərpo be.
Rəşti zinə ruji mərosimədə Tehroni cımə nımuji mıvəğğətə imom Ayətullah Xatəmi sıhbətış karde.
Bə İRİB raporti əsos, Fuməni mərosimədə həm Tolışə ruhani iyən xobreqne rəhbəri aliyə şuraədə bıə Qilon milləti nımoyəndə Ayətullah Pərvaii nıtğış be.
Əv ıştə sıhbətonədə votışe: çəmə inğilob iyən Dey manqi 9 minnə ruji ğəhrəmonəti de Aşuraye Huseyni rabitəş heste və dışmon bəpe aqah bıbu ki bə ım inğilobi zərbə varid kardey əzı ni.
Hicri şəmsi 1388 minnə sorədə bıə İroni prezident hərorətinə səçeni bəpeşt, bəzi dastəon de xarıcion təhriki bə səçeni nəticə etiroz kardey xoto bə xiyobonon omin iyən de beğanunə rəftoron bə millət və umumi vırəon zərəl-ziyon varid kardışone.
Əmmo İroni bəsirətinə millət Dey manqi 9 ədə dıştə əzəmətinə aksiya çı dışmenon fitnəkorə plani betəsir kardeşone.