Çı Qiloni moyəqəton koədə bərəkət iyən rovnəğ.

Xosə Tolışon, səyyodəti və moy qəte fəsli əvvəliku tosə bə ısət Qiloni moyəqəton Kaspi dıyoku 600 toniku vey moy qəteşone.

Bə İRİB raporti iyən Qiloni moyəvonəti idorə statestikaon əsos, Səyyodəti iyən moy qəte fəsliku tosə bə ısət, Qiloni səyyodon Kaspi dıyoku 622 ton astə moy qətəşone ki çəy erj 688 milyard riyol bəbe.

Xoşə xəbə ıme ki həminə miğdor qətə moy təsə bə ısət çı dəvardə sori muğaisədə 38 faiz əlovə bey nışo doydə.

Qiloni moyəvonəti idorə yol, Ağaye Modəbberi həm tojədən xəbəş doə ki qətə moyonku 50 faiz Kəfol, 45 faiz Sıpi iyən 5 faiz co moyon əcumlə Sim, Suf və Kəpuri şomil bıdə.

Əv bə səyyodəti iyən moy qəte fəsli dəvom işorəş karde və votışe: təğribən 4 həzo Qilonıjə səyod və moyəqət Kaspi dıyoədə deştə səyo cəhdon vositə bə moy qəte məşğulin ta ım royku boştə bəromə kəsb kon.

Kaspi dıyoədə moyqəte və səyyodəti fəsl, har sor Mehr manqi 20 minnə rujiku bino bıdə və tosə omə sori Fərvərdinə manqi 15 dəvom kardeydə.